Teachers Appreciation Day at Prelacy

23. November, 2013NewsNo comments

ՍՐԲՈՑ ԹԱՐԳՄԱՆՉԱՑ  ՏՕՆԻՆ ԱՌԻԹՈՎ՝
ԳԱՆԱՏԱՅԻ ՀԱՅՈՑ ԹԵՄԻ ԱԶԳԱՅԻՆ ԱՌԱՋՆՈՐԴԱՐԱՆԸ
ՊԱՏՈՒԵՑ ՀԱՅ ՈՒՍՈՒՑԻՉՆԵՐԸ

Սրբոց Թարգմանչաց տօնին առիթով, Նախագահութեամբ Թեմիս Բարեխնամ Առաջնորդ Տ. Խաժակ Սրբ. Արք. Յակոբեանի եւ կազմակերպու-թեամբ Գանատայի Հայոց Թեմի Ազգային Վարչութեան ու Կանանց Խորհուրդին, Մոնթրէալի մէջ տեղի ունեցան «Հայ Ուսուցիչներու Գնահատման» երեկոյ՝ Ազգային Առաջնորդարանի Դահլիճէն ներս:

Երեքշաբթի, Նոյեմբեր 5, 2013-ին, Առաջնորդ Սրբազան Հօր յորդորներով, գնահատուեցան Ս. Գէորգ Հայց. Առաքելական Եկեղեցւոյ Կիրակնօրեայ դպրոցի եւ Ս. Յակոբ Առաջնորդանիստ Մայր Եկեղեցւոյ կրթական հաստատութիւններէն (Մանկամսուր, Ծաղկոց, Ամէնօրեայ, Շաբաթօրեայ եւ Կիրակնօրեայ) ներս գործող աւելի քան 50 ուսուցիչ-ուսուցչուհիներ:

Առաջնորդ Սրբազան Հայրը ուսուցիչներուն յղած իր խօսքը փակեց բանաստեղծ Դանիէլ Վարուժանի հետեւեալ տողերով.-
«Ով պիտի կրնայ գրել այդ տառերուն պատմութիւնը,
անոնք հրաշէկ գամերու պէս ցեղին գոյութիւնը հաստատեցին
մեր մագաղաթներուն յաւերժական հաստատութեանց վրայ…»

Prelacy Church Board of Trustees Seminar in Kingston

22. November, 2013NewsNo comments

ԳԱՆԱՏԱՅԻ ՀԱՅՈՑ ԹԵՄԻ ՀՈԳԵՒՈՐ ՀՈՎԻՒՆԵՐՈՒ,
ՀՈԳԱԲԱՐՁՈՒԹԵԱՆՑ ԵՒ ԵՐԵՍՓՈԽԱՆՆԵՐՈՒ
ՄԻՕՐԵԱՅ ԽՈՐՀՐԴԱԺՈՂՈՎ

Նախագահութեամբ Թեմիս Բարեխնամ Առաջնորդ Գերաշնորհ Տ. Խաժակ Սրբ. Արք. Յակոբեանի եւ կազմակերպութեամբ Ազգային Վարչութեան, Շաբաթ, Նոյեմբեր 16, 2013-ին, Քինկսթընի մէջ գումարուեցաւ միօրեայ խորհրդաժողովը՝ Հայաստանեայց Առաքելական Եկեղեցւոյ, Գանատայի Հայոց Թեմի Հոգեւոր Հովիւներուն, Հոգաբարձութեանց, Երեսփոխաններուն եւ Ազգային Պատգամաւորներուն:

Այս տարուան խորհրդաժողովի օրակարգին մաս կը կազմէր յատուկ զեկոյց մը «Հայ Առաքելական Եկեղեցւոյ Եպիսկոպոսաց Ժողով»ին մասին, որ ներկայացուց Առաջնորդ Սրբազան Հայրը: Սրբազան Հօր եզրափակիչ խօսքերէն ետք, ժողովականները սպառիչ կերպով հարցադրեցին իրենց մտահոգութիւններն ու մտածումները, որոնց պատասխանեց Առաջնորդ Սրբազան Հայրը։ Խաժակ Արքեպիսկոպոս Սեպտեմբերին իր մասնակցութիւնը բերած էր սոյն ժողովին, որ կայացաւ Էջմիածնի մէջ, նախաձեռնութեամբ՝ Հայաստանեայց Առաքելական Եկեղեցւոյ Վեհափառ Հայրապետներուն:

Խաժակ Արքեպիսկոպոս, այլ եկեղեցականներու հետ, Սեպտեմբերին այցելած էր նաեւ Հայաստանի հիւսիսային շրջանի Տաւուշի մարզի Բերդ գիւղը, ուր դիմաւորուած էր տեղւոյն քաղաքապետին եւ Տ. Արամ Քահանայ Միրզոյեանին կողմէ: Այցելութեան հիմնական նպատակը՝ տեղի բնակչութեան խնդիրներուն, առօրեային ու դժուարութիւններուն ծանօթանալն էր եւ աննախադէպ այցով զիրենք գօտեպնդելն ու ոգեւորելն էր։ Մեկնած այս մտահութիւններէն, խորհրդաժողովի օրակարգի երկրորդ նիւթով, Առաջնորդ Սրբազան Հայրը ներայացուց «Քոյր Վարժարաններ՝ Հայաստան եւ Գանատա» ծրագրի նախագիծ մը, օժանդակելու Հայաստանի սահմանամերց այս գիւղի  բնակչութեան:
Օրուան կեդրոնական նիւթն էր՝ «Հայեցի Դաստիարակութիւնը եւ Մեր Կառոյցներուն Առաքելութիւնը» եւ զեկուցաբերն էր՝ Պրն. Վիգէն Թիւֆէնքճեանը, անդամ ՀՅԴ Կեդրոնական Կոմիտէի, նախկին տնօրէն եւ վաստակաւոր ուսուցիչ ու դաստիարակ Ս. Յակոբ Ազգային Վարժարանի: Շահեկան եւ դաստիարակիչ այս նիւթէն ետք, Ազգային Վարչութեան գործունէութեան ներկայացումը կատարեց ՝  Պրն. Գրիգոր Տէր Ղազարեան, ատենապետ Ազգային Վարչութեան, որուն յաջորդեց տնտեսական նոր ծրագրի մը ներկայացումը՝ Ազգային Վարչութեան անդամ տիկին Ծովիկ Թերզեանի կողմէ:

Խորհրդաժողովի վերջին օրակարգն էր՝ զեկոյց Թեմիս եկեղեցիներէն ու անոնց իրավիճակի եւ ծրագիրներուն մասին, որ ներկայացուցին Հոգաբարձութեանց ներկայացուցիչները:

Խորհրդաժողովը փակուեցաւ Առաջնորդ Սրբազան Հօր պահպանիչով:

VRF Torkom Donoyan visits Canada

21. November, 2013NewsNo comments

Մեծի Տանն Կիլիկիոյ Կաթողիկոսութեան Միաբան՝
Հոգեշնորհ Տ. Թորգոմ Վրդ. Տօնոյեան
Հոգեւոր Առաքելութեամբ Ժամանեց Գանատա

Գանատայի Հայոց Թեմի Բարեխնամ Առաջնորդ՝ Գերաշնորհ Տ. Խաժակ Սրբ. Արք. Յակոբեանի հրաւէրով եւ տնօրինութեամբ՝ Մեծի Տանն Կիլիկիոյ Կաթողիկոսութեան Գահակալ Ն.Ս.Օ.Տ.Տ. Արամ Ա. Կաթողիկոսին, Նոյեմբեր 1-13, 2013-ին, Գանատա այցելեց Մեծի Տանն Կիլիկիոյ Կաթողիկոսութեան միաբան, Հոգեշնորհ Տ. Թորգոմ Վրդ. Տօնոյեան՝ փոխ-տեսուչ Դպրեվանքի եւ Խմբավար «Շնորհալի» երգչախումբի։

Հայր Թորգոմ հրաւիրուած էր յատկապէս, Թեմիս Քրիստոնէական Դաստիարակութեան Խորհուրդին կազմակերպած «Դպրաց Դասերու Համագումար»-ին իր մասնակցութիւնը բերելու որպէս գլխաւոր դասախօս ։

Հայր Սուրբը Գանատա կեցութեան ընթացքին, մասնակցութիւն բերաւ նաեւ Լաւալի Ս. Գէորգ Հայց. Առաքելական եկեղեցւոյ Հողօրհնէքի արարողութեան, որ տեղի ունեցաւ Կիրակի, Նոյեմբեր 3, 2013-ի՝ Եպիսկոպոսական Սուրբ եւ Անմահ Պատարագին, որուն ընթացքին Թեմիս Առաջնորդ Սրբազան Հայրը իր հայրական պատգամը փոխանցեց ներկայ հաւատացեալներուն։

Երկուշաբթի, Նոյեմբեր 4-ի երեկոյեան, Առաջնորդարանի Դահլիճէն ներս Թորգոմ Վարդապետ հանդիպում ունեցաւ երիտասարդներու հետ եւ անոնց խօսեցաւ «Հայ երիտասարդը, Աստուածաշունչը եւ Եկեղեցինե նիւթին շուրջ»: Հայր Սուրբը ըսաւ.- «երիտասարդներ կոչուած են իրենք զիրենք տեսնել Աստուածաշունչ հայելիին ընդմէջէն: Աստուածաշունչը ուղեցոյցն է հայ երիտասարդին, ան սրբազան դասագիրքն է, որ ժողովուրդին մատչելի կը դառնայ եկեղեցւոյ ճամբով»: Դասախօսութեան յաջորդեց մտերմիկ եւ սրտբաց խօսակցութիւն Հայր Սուրբին եւ ներկայ երիտասարդներուն միջեւ:

Հինգշաբթի, Նոյեմբեր 6-ի առաւօտեան, Հայր Թորգոմ պատգամեց Ս. Յակոբ Առաջնորդանիստ Մայր եկեղեցւոյ հոգեւոր քոյրերուն, խօսելով «Ի՞նչպէս կարելի է աղօթքը կեանքի վերածել» (Աղօթքի Կենսաբանութիւնը) նիւթին մասին, կատարելով հաւատարծարծ խորհրդածութիւններ։ Իր պատգամին մէջ, Հայր Սուրբը խօսեցաւ աղօթքի կարեւորութեան մասին, հայ մօր ու հայ կնոջ կեանքին ու առօրեային մէջ: Հայրը Սուրբը շեշտեց, թէ աղօթքը Աստուծոյ հետ մտերմանալու եւ միանալու ամէնէն ճիշտ միջոցն է: Ան եզրակացնելով ըսաւ.- «Հայ կինը կոչուած է Աստուածամայրը մարմնաւորելու եւ Անոր նման աղօթքը ապրելու ու կեանքի վերածելու»:

Նոյն երեկոյեան, Թորգոմ Վարդապետ Տօնոյեան ելոյթ ունեցաւ Թորոնթոյի Ս. Աստուածածին Հայց. Առաքելական եկեղեցւոյ «Յովնանեան Սրահ»ին մէջ, եւ դասախօսեց  Սփիւռքի տարածքին Մեծի Տանն Կիլիկիոյ Կաթողիկոսութեան հոգեշնչող դերին եւ Դպրեվանքի հոգեմատոյց ու սրբազան առաքելութեան մասին։ Հայր Սուրբը ընդարձակ կերպով ներկայացուց Մեծի Տանն Կիլիկիոյ Կաթողիկոսութեան գործունէութիւնը: Ան ըսաւ.- «Մեծի Տանն Կիլիկիոյ Կաթողիկոսութիւնը Սփիւռքի հայութեան կեդրոնն է եւ հայ ժողովուրդին լուսեղէն փարոսը: Մեր Սուրբ Աթոռը յատկապէս Մեծ Եղեռնէն ետք, եղաւ հաւատքի առաքելութեան տարածիչը, հայ ժողովուրդին արդար իրաւունքներուն պաշտպանը ու Հայ Դատի ջահակիրը»: Խօսելով Դպրեվանքի մասին, Հայր Սուրբը անդրադարձաւ անոր յոյժ կարեւորութեան եւ իր բազմերես առաքելութեան մասին: Ան ըսաւ.- «Դպրեվանքը Հայ ժողովուրդին Քորեբ լեռն է, ուր Աստուծոյ քարոզիչները ու ժողովուրդին ,ազատիչներըե Մովսէսի նման կը հանդիպին Աստուծոյ հետ, կը լեցուին հոգեմտաւոր արժէքներով եւ կ’իջնեն հոգեշունչ լեռնէն, ժողովուրդին ծառաներ դառնալու համար»:

Նախագահութեամբ Թեմիս Առաջնորդ Սրբազան Հօր, Շաբաթ, Նոյեմբեր 9, 2013-ին, Ս. Նշան Հայց. Առաքելական Եկեղեցւոյ հիւրընկալութեամբ, Գէմպրիճի Հայ Կեդրոնի «Փոստաճեան Սրահ»-ին մէջ, մասնակցութեամբ աւելի քան 50 դպիր ու դպրուհիներու, տեղի ունեցաւ Դպրաց Դասերու տարեկան համագումարը, որուն գլխաւոր դասախօսն էր Հոգեշնորհ Հայր Սուրբը։ Համագումարի նիւթերն էին՝ «Դպիրներուն  եւ սարկաւագներուն տրուած ծառայական իրաւունքները՝ ձեռնադրութեան խորհուրդին ընդմէջէն», «Դպիրներու եւ սարկաւագներու զգեստները եւ գործածած սպասներն ու անոնց խորհրդանշանական իմաստներըե, ,Ի՞նչ կը նշանակէ շարական», «Երգե՞լ թէ աղօթել» եւ կատարեց կարգ մը շարականներու ուսուցումը։ Հայր Թորգոմին գօտեպնդիչ դասախօսութիւնները նոր խանդ տուին Աստուծոյ տաճարին ամէնէն համեստ սպասաւորներուն՝ դպրաց դասերուն:

Կիրակի, Նոյեմբեր 10, 2013-ին, Հայր Թորգոմ Գէմպրիճի Ս. Նշան Հայաստանեայց Առաքելական Եկեղեցւոյ մէջ մատուցեց Սուրբ եւ Անմահ Պատարագ, յաւուր պատշաճի քարոզելով օրուան խորհուրդին մասին: Նախքան քարոզը, Հայր Սուրբը Ն.Ս.Օ.Տ.Տ. Արամ Ա. Վեհափառ Հայրապետին օրհնութիւնները փոխանցեց ներկայ հաւատացեալներուն եւ շնորհակալութիւն յայտնեց Թեմիս Առաջնորդ Գերաշնորհ Խաժակ Արքեպիսկոպոսին, որ իր հրաւէրով կը գտնուէր Գանատա: Ապա, Հայր Սուրբը խօսեցաւ Հայաստանեայց Առաքելական Սուրբ եկեղեցւոյ առաքելութեան մասին, ըսելով.- «Եկեղեցին սրբոց թանգարան չէ, այլ մեղաւորաց քաւարան: Հայոց Եկեղեցին, Հայ ժողովուրդի յոյզերուն եւ յոյսերուն վառարանն է ու հոգեւոր զարթօնքի անկորնչելի օճախը: Եկեղեցւոյ աննիւթական ձուլարանէն մաքսաւորը արդարացած դուրս կու գայ, մեղաւորը՝ մաքրուած, մաքուրը՝ սրբուած»: Ապա, Հայր Սուրբը շարունակեց ըսելով.- «Եկեղեցին մեր գոյութեան իմաստն է ու նպատակը, հաւատքի վէմը, յոյսի աղբիւրը ու սիրոյ ովկիեանը»: Եկեղեցւոյ մայրութեան դիմաց մենք բոլորս որդիներ ենք, եզրափակեց Հայր Սուրբը:

Հոգեշնորհ Հայր Սուրբին այցելութիւնը ի Գանատա, եղաւ ոգեշնչիչ երիտասարդութեան համար եւ անոր հոգեշունչ քարոզները լեցուց հոգեւոր ծարաւը՝ հաւատացեալներու:

Sourp Kevork Hoghorhnek

18. November, 2013NewsNo comments

Կիրակի, Նոյեմբեր 3, 2013-ին, Լաւալահայ համայնքը ապրեցաւ պատմական գեղեցիկ օր մը, երբ տարիներու երկար ծրագրումէ ետք, տեղի ունեցաւ Ս. Գէորգ Հայց. Առաքելական Եկեղեցւոյ Հողօրհնէքի արարողութիւնը՝ նախագահութեամբ եւ ձեռամբ Թեմիս բարեխնամ Առաջնորդ, Տ. Խաժակ Սրբ. Արք. Յակոբեանի։

Եպիսկոպոսական Սուրբ եւ Անմահ Պատարագ մատուցեց Թեմիս Առաջնորդ Սրբազան Հայրը եւ արարողութեանց իրենց մասնակցութիւնը բերին, Տ. Մեղրիկ Ծ. Վրդ. Բարիքեան՝ Հոգեւոր Տեսուչ Օնթարիոյ Նահանգի, Տ. Թորգոմ Վրդ. Տօնոյեան՝ ժամանած Անթիլիասէն եւ Ս. Գէորգ Եկեղեցւոյ Հոգեւոր Հովիւ՝ Արժանապատիւ Տ. Հրայր Աւ. Քհնյ. Նիկոլեանը։

Առաջնորդ Սրբազան Հայրը քարոզի ընթացքին ըսաւ. «երկար տարիներէ ի վեր սպասուած առաջին իրապաշտ քայլն է որ կ’արնենք այսօրեւ փառք կու տանք Աստուծոյ, որ արժանի դարձուց մեզի տեսնելու այս օրը։ Պիտի օրհնենք մեր հողը, որպէսզի վաղը հոն կառուցուի Լաւալի Հայց. Առաքելական եկեղեցւոյ նոր կառոյցը, եկեղեցին որ պիտի ըլլայ Տիրոջ տունը, հրեշտակներու բնակարանը, մեղաւորներու քաւարանը եւ հոգիներու փրկիչը։ Եկեղեցւոյ մէջ պիտի դառնանք ընտանիք, բռունձք եւ յաղթականօրէն պիտի կանգնեցնենք Հայոց Ցեղասպանութեան նուիրուած յուշակոթող մը։ Հպարտ կը զգանք այդ իրագործումին դիմաց կանգնելով եւ կ’ըսենք՝ հայութիւնը ողջ է, կը յաղթանակէ եւ կը գործէ։ Միայն այդ չէ որ մեր սրտերը հպարտութեամբ կը լեցնէ, այլ օտարները եւս պիտի տեսնեն ու ըսեն՝ հոս հայութիւն կայ, հոս հայութիւնը կ’ապրի…։ Խաժակ Արքեպիսկոպոս իր փակման խօսքով ըսաւ՝ այս եկեղեցին կը շինենք յաւերժութեան համար, հոն է որ ձեր մանուկները պիտի մկրտուին, երիտասարդ նոր ընտանիքներ պիտի կազմեն, մխիթարութիւն պիտի փնտրէք, դառնութիւնները պիտի թօթափէք եւ սիրով լեցուած պիտի երթաք դիմակալելու բոլոր դժուարութիւնները։ Մեր ազգի գոյատեւման համար պիտի կառուցենք եկեղեցին եւ պիտի ըլլայ առաջինը Նահատակաց 100-ամեակին ու Լաւալահայութիւնը ցոյց պիտի տայ ըսելով որ ոտքի ելլանք ու մեր հաւատքին ու ազգին համար տուն կառուցեցինք։»

Պատարագէն անմիջապէս ետք, թափորով եկեղեցական դասը եւ հաւատացեալները ուղղուեցան Լաւալի Հայ Կեդրոն ուր կատարուեցաւ պաշտօնական Հօղօրհնէքի արարողութիւնը, որուն նաեւ իրենց մասնակութիւնը բերին Արժանապատիւ Հայրեր՝ Տ. Արմէն Աւ. Քհնյ. Իշխանեան, Տ. Գառնիկ Աւ. Քհնյ. Գոյունեան եւ Տ. Կոմիտաս Քհնյ. Միրզախանեան: Խօսք առաւ Առաջնորդ Սրբազան Հայրը, եկեղեցւոյ Հոգեւոր հովիւը եւ շրջանի պատկան մարմիններու կողմէ պրն. Զարեհ Տէրվիշեանը:

Առաջին բահը զառնուեցաւ հողին եւ խառնուեցաւ Հայաստանէն յատուկ կերպով բեռուած Խոր Վիրապի վանքէն ափ մը հողին: Այս առթիւ, Ազնուափայլ տիկին Հերմինէ Վարդանեան կատարեց առաջին խոստումը՝ $50,0000-ի եւ անոր յաջորդեց սրտափուխ այլ նուիրատուութիւններ:

Ս. Գէորգ Հայց. Առաքելական Եկեղեցւոյ առաքելութիւնը կը շարունակուի, ծառայելով մեր ժողովուրդին եւ երիտասարդութեան կարիքներուն, որպէսզի Հայ Եկեղեցւոյ ծառայութիւնը ըլլայ աւելի նպատակասլաց եւ օգտակար։

Լաւալահայութեան ընծայուած այս հողօրհնէքով, կը փոխանցուի մեր հողին, ջուրին, պատմութեան, իտեալներուն, հոգեկան ապրումներուն եւ մանաւանդ հայապահպանումի սրբազան առաքելութիւնը:

ԴՊՐԱՑ ԴԱՍԵՐՈՒ ՀԱՄԱԳՈՒՄԱՐ

14. November, 2013NewsNo comments

ԳԱՆԱՏԱՅԻ ՀԱՅՈՑ ԹԵՄԻ ԱԶԳԱՅԻՆ ԱՌԱՋՆՈՐԴՐԱՆԻ ԴՊՐԱՑ ԴԱՍԵՐՈՒ ՀԱՄԱԳՈՒՄԱՐ
Նախագահութեամբ Թեմիս Բարեխնամ Առաջնորդ Գերաշնորհ Տ. Խաժակ Սրբ. Արք. Յակոբեանի եւ կազմակերպութեամբ Քրիստոնէական Դաստիարակութեան Խորհուրդին, Շաբաթ, Նոյեմբեր 9, 2013-ին, տեղի ունեցաւ տարեկան Դպրաց Դասերու համագումարը, Ս. Նշան Հայց. Առաքելական Եկեղեցւոյ հիւրընկալութեամբ եւ մասնակցութեամբ Թեմիս բոլոր եկեղեցիներուն։

Գէմպրիճի Հայ Կեդրոնի ,Փոստաճեան Սրահեին մէջ հաւաքուած աւելի քան 50 դպիր ու դպրուհիներ, ըմբոշխնեցին եւ ընկալեցին Հոգեշնորհ Տ. Թորգոմ Վրդ. Տօնոյեանին բանախօսութիւնները՝ միաբան Մեծի Տանն Կիլիկիոյ Կաթողիկոսութեան։ Հայր Թորգոմ Վարդապետ՝ խմբավարն է Մայրավանքի ,Շնորհալիե երգչախումբին եւ միաժամանակ կը վարէ Կաթողիկոսութեան Դպրեվանքի փոխ-տեսուչի պաշտօնը։

Համագումարի նիւթն էր ,Դպիրներուն  եւ սարկաւագներուն տրուած ծառայական իրաւունքներըե։ Հոգեշնորհ Տ. Գեղարդ Վրդ. Քիւսպէկեան, Համադրիչ Թեմիս Քրիստոնէական Դաստիարակութեան Խորհուրդի աշխատանքներուն, աղօթքով պաշտօնական բացումը կատարեց օրուան օրակարգին, որմէ անմիջապէս ետք Հայր Թորգոմ Վարդապետ ներկայացուց ,Դպիրներուն  եւ սարկաւագներուն տրուած ծառայական իրաւունքները՝ ձեռնադրութեան խորհուրդին ընդմէջէնե, ,Դպիրներու եւ սարկաւագներու զգեստները եւ գործածած սպասերն ու անոնց խորհրդանշանական իմաստներըե, ,Ի՞նչ կը նշանակէ շարական՝ երգե՞լ թէ աղօթելե եւ կատարեց ձայնամարզական ուսուցում եւ վերաքաղ շարականներու։

Համագումարի մասնակիցները հետաքրքրութեամբ եւ լիացած հետեւեցան օրուան դասախօսութիւններուն եւ ձայնամարզումին, որոնք հոգեպարար եւ հաղորդական ոճով ներկայացուց դասախօս վարդապետը։

Կիրակի, Նոյեմբեր 10, 2013-ին, Հոգեշնորհ Տ. Թորգոմ Վրդ. Տօնոյեան մատուցեց Սուրբ եւ Անմահ Պատարագ եւ քարոզեց Գէմպրիճի հայ գաղութին։ Սուրբ Պատարագի երգեցողութիւնը կատարեցին դպրաց դասերու բոլոր մասնակիցները, որոնք ներկայ էին սոյն շաբաթավերջի համագումարին։

Remembrance Day in Canada

14. November, 2013NewsNo comments

His Eminence, Archbishop Khajag Hagopian, Prelate, prays in honor of Remembrance Day, for all the men and women who served and continue to serve our country during times of war, conflict and peace.

His Eminence emphasizes the importance of showing our gratitude for our rights and freedoms by keeping the memory of the sacrifices of fallen soldiers and veterans alive in our hearts.

The first Remembrance Day (then called Armistice Day) was held in 1919 on the 11th hour of the 11th day of the 11th month, commemorating the end of the First World War. Since then, more than 1,500,000 Canadians have served our country and more than 100,000 have died protecting the freedoms we all cherish today.

Prelacy Hosts Annual Thanksgiving Dinner

1. November, 2013NewsNo comments


More than 150 people gathered for the Prelacy’s 8
th annual Thanksgiving dinner, which was held under the Auspices of His Eminence, Archbishop Khajag Hagopian, Prelate, at the Montreal Armenian Community Centre’s Aharonian Hall on October 14, 2013. The traditional feast was organized by the Prelacy’s Ladies Guild.

Prior to blessing the meal, Archbishop Hagopian expressed the importance of giving thanks and showing appreciation for all of our lives treasures year-round and ensuring that we don’t take our surroundings for granted, particularly our youth, family and community.

During the event, Archbishop Hagopian honored the Ladies Guild members who served the Prelacy for the last decade. Recipients of Special Acknowledgement and gift of appreciation were Mrs. Any Basmadjian, chairperson for the last ten years, Mrs. Silva Ehramdjian, Mrs. Vanine Kabassakalian, Mrs. Vanda Keusseyan, Mrs. Annie Kouyoumdjian, Mrs. Lily Markarian and Mrs. Sonia Piliguian.

The annual lottery was drawn as well and the winning numbers were:
First Prize: $3,000 winning number is 704
Second Prize: $1,500 winning number is 41
Third Prize: $500 winning number is 1756.

Congratulations to the winners and thank you for Prelacy supporters!

Archives