Artsakh FM meeting with Prelate Parikian

31. October, 2014NewsNo comments

Արցախի Արտաքին Գործոց Նախարարը այցելեց
Ազգային Առաջնորդարան

Հինգշաբթի, 30 Հոկտեմբեր 2014-ի կէսօրին, Արցախի Արտաքին Գործոց Նախարար՝ Նորին Վսեմութիւն Պրն. Կարէն Միրզոյեան ընկերակցութեամբ Գանատայի մօտ Հայաստանի Հանրապետութեան Արտակարգ եւ Լիազօր Դեսպան՝ Պրն. Արմէն Եգանեանին եւ Ռոպերթ Աւետիսեան  այցելեց Ազգային Առաջնորդարան եւ հանդիպեցաւ Թեմակալ Առաջնորդ Գերաշնորհ Տ. Մեղրիկ Սրբ. Եպս. Բարիքեանին հետ։ Հանդիպման ներկայ էր նաեւ Ազգային Վարչութեան Ատենապետ՝ Պրն. Գրիգոր Տէր Ղազարեան ե Ատենադպիր՝ Պրն. Յակոբ Պուլկարեան։

Հանդիպման ընթացքին, արծարծուեցան Հայաստան-Սփիւռք համագոր-ծակցութեան, ինչպէս նաեւ Արցախի բարգաւաճման մասին։ Աւարտին, տեղի ունեցաւ երկկողմանի յուշանուէրներու փոխանակում։

Prelate Sarkissian meets with Sister organizations and Church representatives

31. October, 2014NewsNo comments

Բերիոյ Հայոց Թեմի Առաջնորդին  
Ծանօթացման Հանդիպումները


Ա.    Չորեքշաբթի, 29 Հոկտեմբեր 2014-ի երեկոյեան, Սրբազան Հայրը հանդիպեցաւ Գանատայի Հ.Յ.Դ. Կեդրոնական Կոմիտէի, Մոնթրէալի «Միհրան Փափազեան» եւ Լաւալի «Սարգիս Զէյթլեան» Կոմիտէներուն հետ։ Սոյն հանդիպման ներկայ էին Հ.Յ.Դ. Բիւրոյի անդամ՝ Տիար Յակոբ Տէր Խաչատուրեան, Մեծի Տանն Կիլիկիոյ Սուրբ Աթոռի Ազգային Կեդրոնական Վարչութեան անդամ՝ Բժիշկ Ժիրայր Պասմաճեան, Հ.Յ.Դ. Կեդրոնական Կոմիտէի Ատենապետ՝ Տիար Ռաֆֆի Տօնապետեան, Ս. Յակոբ, Ս. Աստուածածին, Ս. Գէորգ Եկեղեցիներու Հոգեւոր Հովիներն ու Ազգային Վարչութեան Քաղաքական Ժողովի անդամները։ Խօսակցու-թիւնները կեդրոնացան Սուրիահայութեան այս օրերու համատարած դժուարութեանց վրայ։ Յաջորդաբար խօսք առին, Առաջնորդ եւ Շահան Սրբազան Հայրերը, իսկ յանուն Հ.Յ.Դաշնակցութեան՝ Տիար Ռաֆֆի Տօնապետեան։

Բ.    Նոյն օրը, երեկոյեան, Շահան Սրբազան յատուկ հանդիպում ունեցաւ Գանատայի Քոյր Միութիւններու եւ Կազմակերպութիւններու Շրջանային Վարչութեանց, Եկեղեցիներու Հոգաբարձութեանց, Ազգային Երեսփոխաններու եւ Թեմիս Պատգամաւորներուն հետ։

    Թեմակալ Առաջնորդ Սրբազան Հայրը բարի գալստեան իր խօսքին մէջ շեշտեց Հալէպի «Դպրոց Հիմնադրամ»ի Գանատայի ամբողջական ինքնընծայումը եւ շեշտեց, որ մենք բոլորս նոյն ճամբուն մէջ վախճանաբանական նոյն հասանելիութեան կէտը ունինք, անիկա՝ մեր Հայ ըլլալն է, մեր Հայրենիք-Սփիւռքի միախառնումով։ Ապա Բերիոյ Հայոց Թեմի Առաջնորդ Սրբազան Հայրըս իր խօսքը յղելով ներկաներուն յստակացուց, ըսելով. «Տէր Զօրը մեր գոյութեան մշտաբորբ ջահն է, որ արեւու ճարագայթի նման կը շարունակէ լուսաւորել մեր չընկրկած հոգիները»։ Սրբազան Հայրը ընդարձակ տեղեկութիւններ փոխանցեց Սուրիահայ կեանքի իրավիճակին մասին, յստակացուց որ Սուրիական Հայրենիքը եւ Սուրիահայութիւնը որոշած են հաստատ մնալ իրենց արմատներուն եւ դարաւոր պատմութեան այս հանգրուանին, պահելով իրենց ինքնութիւնն ու Հայութիւնը։

Archbishop Shahan Sarkissian meets with inter-church representatives

31. October, 2014NewsNo comments

Թեմակալ Առաջնորդի Հրաւէրով՝
Հանդիպում Հայ-յարանուանութեանց Պետերուն Հետ

Հինգշաբթի, 30 Հոկտեմբեր 2014-ի առաւօտեան, Առաջնորդ Սրբազան Հօր հրաւէրով, ծանօթացման առաջադրանքով հանդիպում մը կայացաւ Բերիոյ Հայոց Թեմի Առաջնորդ՝ Գերաշնորհ Տ. Շահան Սրբ. Արք. Սարգիսեանի եւ Մոնթրէալի միջ-յարանուանական մարմնին միջեւ։

Ներկայ էին Առաջնորդ Սրբազան Հայրը, Գանատահայոց Առաջնորդ՝ Գերապատիւ Տ. Աբգար Վրդ. Յովակիմեան, Գերաշնորհ Տ. Շահան Սրբ. Արք. Սարգիսեան, Գերաշնորհ Տ. Սուրէն Սրբ. Արք. Գաթարոյեան, Հոգեշնորհ Տ. Ստեփանոս Վրդ. Փաշայեան, Գերյարգելի Գէորգ Ծ. Վրդ. Զապարեան, Արժանապատիւ Տ.Տ. Գառնիկ, Վազգէն, Կոմիտաս, Գաբրիէլ Քահանայ Հայրերը, Պատուելիներ՝ Մանուէլ Ճինպաշեան, Աւետիս Զարիֆեան եւ Յովհաննէս Սվաճեան։

Այս առիթով, յաջորդաբար խօսք առին Առաջնորդ Սրբազան Հայրը, Հայր Աբգարը, Հայր Ստեփանոսը. իսկ Շահան Սրբազան սպառիչ տեղեկութիւններ փոխանցեց հոգեւոր եղբայրներուն եւ պատասխանեց անոնց հարցումներուն։ Հանդիպումը վերջ գտաւ Վերապատուելի Ճինպաշեանի աղօթքով։

Prelate Parisian meets with Archbishop Lepine

31. October, 2014NewsNo comments

Հանդիպում Մոնթրէալի Կաթողիկէ Եկեղեցւոյ
Առաջնորդ Լէփինին հետ

Չորեքշաբթի, 29 Հոկտեմբեր 2014-ի յետ միջօրէին, Գերաշնորհ Տ. Մեղրիկ Սրբ. Եպս. Բարիքեան ընկերակցութեամբ Հայ Յարանուանութեան ներկայացուցիչներուն, հանդիպեցաւ Մոնթրէալի Կաթողիկէ Եկեղեցւոյ Առաջնորդ՝ Քրիսթյէն Լէփին Արքեպիսկոպոսին հետ։

Հանդիպման նպատակն էր հրաւիրել Արքեպիսկոպոսը, 20 Ապրիլ 2015-ին տեղի ունենալիք Միջ-եկեղեցական Աղօթքին, նուիրուած Հայոց Ցեղասպանութեան Հարիրամեակին։ Թեմակալ Առաջնորդը հանդիպման ընթացքին յայտնած է Արքեպիսկոպոսին, թէ «Մենք պէտք է եղբայրաբար ապրինք եւ դուք էք որ մեզ պէտք է համախմբէք որպէս Մոնթրէալի հնագոյն եկեղեցին եւ ձեր մէջ պէտք է տեսնենք եղբայրութիւնը եւ այդ եղբայրութեամբ դրսեւորուած համագործակցութիւնը»։

Prelate Sarkissian Visits Sourp Hagop School

29. October, 2014NewsNo comments

Բերիոյ Հայոց Թեմի Առաջնորդը՝
Ս. Յակոբ Ազգային Վարժարանէն ներս

 

Չորեքշաբթի, 29 Հոկտեմբեր 2014-ի առաւօտեան ժամը 10-ին, Բերիոյ Հայոց Թեմի Բարեջան Առաջնորդ՝ Գերաշնորհ Տ. Շահան Սրբ. Արք. Սարգիսեան, ընկերակցութեամբ Թեմակալ Առաջնորդ Սրբազան Հօր, Հոգեւորականաց Դասուն եւ Ազգային Վարչութեան Ատենապետին, այցելեց Մոնթրէալի Ս. Յակոբ Ազգային Վարժարանը, ուր աղ ու հացի օրհնութեամբ դիմաւորուեցաւ Տնօրէնուհիին եւ աշակերտութեան կողմէ։

Բացման խօսքը փոխանցեց Վարժարանի Ընդհանուր Տնօրէնուհի՝ Տիկին Լենա Գատեան եւ հրաւիրեց Արժանապատիւ Տ. Գառնիկ Աւ. Քհնյ. Գոյունեանը՝ Հոգեւոր Հովիւ Ս. Յակոբ Առաջնորդանիստ Մայր Եկեղեցւոյ, որ ան իր կարգին ներկայացուց Բերիոյ Հայոց Թեմի Առաջնորդ Սրբազան Հայրը։ Սրբազան Հայրը իր խօսքը ուղղելով աշակերտութեան ըսաւ. «աղօթեցէք ձեր դասընկեր-դասընկերուհիներուն համար, որպէսզի անոնք ալ կարենան ձեզի նման դպրոց յաճախել եւ մենք ալ կարենանք Ազգային Վարժարանները բաց պահել Հալէպի տարածքին»։

Ապա բեմ հրաւիրուեցաւ Թեմակալ Առաջնորդ Տ. Մեղրիկ Սրբ. Եպկ. Բարիքեանը, որ հորդորեց աշակերտները, ըսելով. «Մասնակից դարձէք սուրիահաոյութեան Դպրոց Ֆոնտին։ Ձեր յառաջիկայ շաբթուան ծախսելիք գումարը յատկացուցէք ձեր տարեկից եղաբայրներուն եւ քոյրերուն, որոնք կը դիմագրաւեն ծանր պահեր սուրիոյ տագնապալից այս պատերազմեան օրերուն»։

Archbishop Shahan Srpazan arrives Montreal

29. October, 2014NewsNo comments

Շահան Արքեպիսկոպոս կը ժամանէ Մոնթրէալ

Երեքշաբթի, 28 Հոկտեմբեր 2014-ի կէսօրին, Գերաշնորհ Տ. Շահան Սրբ. Արքեպս. Սարգիսեան ժամանեց Մոնթրէալի Միջազգային օդակայանը։ Բերիոյ Հայոց Թեմի Առաջնորդ Սրբազան Հայրը դիմաւորուեցաւ Թեմակալ Առաջնորդին եւ տեղւոյս Հոգեւորականաց Դասին եւ Ազգային Վարչութեան Ատենապետին կողմէ։

Նոյն օրը երեկոյեան ժամը 7։30-ին, Գանատայի Ազգային Առաջնորդարանէն ներս տեղի ունեցաւ Ազգային Վարչութեան Կրօնական եւ Քաղաքական Ժողովներու Անդամներուն եւ Բերիոյ Հայոց Թեմի Առաջնորդ, Գերաշնորհ Տ. Շահան Սրբ. Արքեպս. Սարգիսեանի միջեւ մտերմիկ հանդիպում մը։

Գանատայի Հայոց Թեմի Առաջնորդ Տ. Մեղրիկ Սրբ. Եպս. Բարիքեանը,  ներկայացուց եւ ծանօթացուց ներկաները, Գանատայի մէջ գործող կազմակերպութիւնները, հաստատութիւնները, եւ տեղւոյն միութիւնները։

Բերիոյ Հայոց Թեմի Առաջնորդ Գերաշնորհ Տ. Շահան Սրբ. Արքեպս. Սարգիսեանը կարճ եւ կոկիկ տեղեկատուականով, նախ կանխաւ շնորհակալութիւն յայտնեց Թեմակալ Առաջնորդին, ինչպէս նաեւ Գանատայի մէջ ապրող հայութեան, իրենց շարունակական աջակցութիւնը ցուցաբերած ըլլալնուն համար։ Ապա խօսեցաւ Սուրիան յուզող այժմէական մարտահրաւէրներուն եւ հայ գաղութը պահելու դժուարութիւններուն մասին։

Prelate visits Sourp Hagop School

29. October, 2014NewsNo comments

Առաջնորդ Սրբազան Հայրը իր Անդրանիկ Այցը Պարգեւեց
Ս. Յակոբ Ամէնօրեայ Ազգային Վարժարանի Աշակերտութեան

Գերաշնորհ Տ. Մեղրիկ Սրբ. Եպկ. Բարիքեան` Առաջնորդ Գանատայի Հայոց Թեմին, Ուրբաթ, 24 Հոկտեմբեր 2014-ի յետմիջօրէին, իր անդրանիկ այցելութիւնը կատարեց Ս. Յակոբ Ազգային Վարժարանի Երկրորդականի աշակերտութեան, որոնք յատուկ հանդիսութիւն մը պատրաստած էին Սրբոց Թարգմանչաց Տօնին առիթով։

Առաջնորդ Սրբազան Հայրը Վարժարանի մուտքին հիւրընկալուեցաւ Տիկին Լենա Գատեանին կողմէ՝ Ընդհանուր Տնօրէնուհի Վարժարանին, ուր աղ եւ հացի օրհնութիւնը կատարեց Սրբազան Հայրը։ Իր պատգամին մէջ, Առաջնորդ Սրբազան Հայրը անդրադարձաւ Հայ դպրոցի կարեւորութեան ու անոր տեղը մեր գաղութէն ներս: Ուղղելով աշակերտներուն, ան թելադրեց ըսելով. «Նկատի ունենալով մեր մշակոյթի ու պատմութեան հարստութիւնը, մենք ամէնօրեայ դրութեամբ սորվելիք ունինք Հայ դպրոցէն ներս եւ դուք որպէս աշակերտներ, Հայ դպրոցէն ընկալածը պէտք է տարածէք ո’չ միայն ձեր անմիջական ընկերներուն, այլ մանաւանդ փոխանցեցէ’ք նաեւ օտարներուն»:

Իր խօսքի աւարտին, Առաջնորդ Սրբազան Հայրը գնահատելով դպրոցի Տնօրէնութիւնն ու ուսուցչական կազմը, «Պահպանիչ» աղօթքով փակեց սոյն մշակութային հանդիսութիւնը:

His Grace Bishop Meghrig Parikian visited Sourp Hagop Armenian School on the day of Friday, October 25, 2014, where Mrs. Lena Kadian, Principal, welcomed His Grace. At the entrance of the school, the traditional salt and bread blessing took place by the Prelate.

High School students honored Prelate Parikian by special sketches and dances, dedicated to the Holy Translators of the Armenian Church. The Armenian Church remembers the Feast of the Holy Translators in October.

Prelate Visits Sourp Hagop Saturday School

29. October, 2014NewsNo comments

Առաջնորդ Սրբազան Հայրը Պարգեւեց իր Անդրանիկ Այցը
Ս. Յակոբ Շաբաթօրեայ Վարժարանի Աշակերտութեան

Գերաշնորհ Տ. Մեղրիկ Սրբ. Եպկ. Բարիքեան` Առաջնորդ Գանատայի Հայոց Թեմին, Շաբաթ, 25 Հոկտեմբեր 2014-ի կէսօրին, իր անդրանիկ այցելութիւնը կատարեց Ս. Յակոբ Շաբաթօրեայ Վարժարանի աշակերտութեան, որոնք յատուկ յայտագիրով մը ողջունեցին Սրբազան Հայրը՝ Սրբոց Թարգմանչաց Տօնին առիթով։

Տեղի ունեցաւ կոկիկ գեղարուեստական յայտագիր աշակերտներուն կողմէ: Այստեղ եւս Թեմակալ Առաջնորդը բարձր գնահատելով դպրոցի տնօրէնութիւնն ու ուսուցչական կազմը, աշակերտներուն ուղղելով իր խօսքը ըսաւ. «Պատի’ւ պէտք է զգաք որ ձեր ծնողները շաբաթօրեայ իրենց զոհողութեամբ, առիթը կու տան ձեզի յաճախելու հայկական վարժարան, նկատի ունենալով Սփիւռքեան մեր դժուարութիւններն ու մարտահրաւէրները»:

Առաջնորդ Սրբազան Հայրը «Պահպանիչ» աղօթքով փակեց սոյն գեղարուեստական երեկոն:

Teachers Appreciation Event

29. October, 2014NewsNo comments

Թարգմանչաց Տօնին Առիթով
Հայ Ուսուցիչներու Գնահատման Երեկոյ

Ընդ բարձր հովանաւորութեամբ՝ Գերաշնորհ Տ. Մեղրիկ Սրբ. Եպկ. Բարիքեանի՝ Առաջնորդ Գանատայի Հայոց Թեմին, Ազգային Առաջնորդարանի Հայեցի Դաստիարակութեան Խորհուրդը կազմակերպած էր Հայ Ուսուցիչներու Գնահատման տարեկան երեկոն, որ տեղի ունեցաւ Հինգշաբթի, 23 Հոկտեմբեր 2014-ին, Ս. Յակոբ Ազգային Վարժարանի «Բասդրմաճեան Թատերասրահ»էն ներս։

Երեկոն նուիրուած էր Հայ ուսուցիչներուն ու դաստիարակներուն, որոնք իրենց առաքելութեամբ կը պատրաստեն ու կը կազմաւորեն Հայ պատանին, որպէս ապագայի պահապանները Հայ ինքնութեան ու մշակոյթին։

Ձեռնարկը ասմունքային երեկոյ մըն էր մենակատարութեամբ արուեստագէտ՝ Նարեկ Ղազարեանին, որ ներկայացուց Վահէ Օշականի, Միսակ Մեծարենցի, Կորիւն Շահինեանի եւ Վահան Թէքէյեանի ստեղծագործութիւնները, որոնք ըմբոշխնուեցաւ ներկայ հանդիսականներուն կողմէ։ Բեմին վրայ արուեստի նոր յղացումով կը մասնակցէր գեղանկարիչ՝ Սիլվա Խաչերեանը։

Առաջնորդ Սրբազան Հայրը ձեռնարկի աւարտին փոխանցեց իր գնահատականը եւ արժեւորեց արուեստագէտները իրենց տաղանդին համար, ապա շնորհակալութիւն յայտնեց ձեռնարկի կազմակերպիչներուն, յատկապէս թէքնիք բաժնի պատասխանատուներ՝ Սերժ Եսայեանին, Սագօ-Վաչէ Պոյաճեանին, Նորայր Պեզճեանին, Թամար Փանոսեանին եւ Հայեցի Դաստիարակութեան Խորհուրդի անդամներ՝ Սոնիա Քիլէճեան-Աճէմեանին, Աննա Մանուկեանին, Նորա Արուշեանին եւ Լորի Ապրագեանին, որոնք մտայղացած էին ասմունքային այս գեղեցիկ երեկոյի գաղափարը։ Առաջնորդ Սրբազան Հայրը «Պահպանիչ» աղօթքով փակեց երեկոն, որմէ ետք տեղի ունեցաւ հիւրասիրութիւն, կազմակերպութեամբ Ազգային Առաջնորդարանի Կանանց Խորհուրդին։

Under the auspices of His Grace Bishop Meghrig Parikian, Prelate of Canada, the annual Armenian Teachers Appreciation event for Day School, Saturday and Sunday Schools took place at the Sourp Hagop Armenian School’s Pastermadjian Auditorium in Montreal, on the eve of Thursday, October 23, 2014.

The event was in dedication to all Armenian Teachers, who continuously devote their lives in commitment to our children’s education.

Դիտեցէ՛ք Գանտայի Հայոց Թեմի Առաջնորդ՝ Գերաշնորհ Տ. Մեղրիկ Սրբ. Եպկ. Բարիքեանի Կոչն ու Յորդորը։

27. October, 2014NewsNo comments

Թորոնթոյի Հայ Կեդրոնի Պատմականն ու Գործունէութիւնը Ներկայացնող Վաւերագրական մը։
Հարցազրոյց՝ Հայ Կեդրոնի Հանգանակիչ Մարմինի Անդամներուն հետ։
ԵՐԻՏԱՍԱՐԴՆԵՐՈՒ ԿՈՉը:

 

Archives