Historical Atlas of Armenia

22. November, 2014NewsNo comments

 Պատմական Ատլասի Ներկայացում

Գանատայի Հայոց Թեմի Ազգային Առաջնորդարանի Հայեցի Դաստիա-րակութեան Խորհուրդի կազմակերպութեամբ եւ ընդ հովանաւորութեամբ Թեմիս Առաջնորդ Տ. Մեղրիկ Սրբ. Եպկ. Բարիքեանի, Առաջնորդարանի Դահլիճէն ներս, Հինգշաբթի, 20 Նոյեմբեր 2014-ին, տեղի ունեցաւ Հայաստանի Պատմական Ատլասի ներկայացումը Տոքթ. Վարդան Մատթէոսեանի դասախօ-սական սպառիչ տեղեկութիւններով

Historical Atlas of Armenia

Under the auspices of His Grace Bishop Meghrig Parikian, Prelate of Canada, an informative presentation took place on the eve of Thursday, November 20, 2014 at the Prelacy.

Dr. Vartan Mateossian, the editor of the publication, presented the Atlas extensively, where afterwards a question and answer session took place.

The Historical Atlas of Armenia is available on the website of http://bookstore.armenianprelacy.org.

Very Rev. Fr. Sdepanos Pashayan begins his mission in Toronto

18. November, 2014NewsNo comments

Հոգեշնորհ Տ. Ստեփանոս Վրդ. Փաշայեան
Կը նշանակուի Ս. Աստուածածին Հայց. Առաքելական Եկեղեցւոյ
Հոգեւոր Հովիւ

Ն.Ս.Օ.Տ.Տ. Արամ Ա. Վեհափառ Հայրապետի տնօրինութեամբ, Հոգեշնորհ Տ. Ստեփանոս Վրդ. Փաշայեան, նշանակուեցաւ Հոգեւոր Հովիւ Ս. Աստուածածին Հայց. Առաքելական Եկեղեցւոյ։ Կիրակի, 16 Նոյեմբեր 2014-ին Հայր Սուրբը մատուցեց իր անդրանիկ Սուրբ եւ Անմահ Պատարագը Թորոնթոյի մէջ եւ պաշտօնապէս ստանձնեց նոյն եկեղեցւոյ մնայուն Հոգեւոր Հովիւի պաշտօնը:

Աւազանի անունով՝ Գէորգ։ Ծնած՝ 13 Ապրիլ 1981-ին, Պէյրութ։ Նախնական ուսումը ստացած է Նոր-Սիսի Ազգային «Աքսոր Գասարճեան» Վարժարանէն ներս։ 1993-94 տարեշրջանին ընդունուած է Մեծի Տանն Կիլիկիոյ Կաթողիկոսութեան Դպրեվանքը, եւ հնգամեայ Ժառանգաւորաց բաժինը աւարտելով, 27 Յունիս 1998-ին, ձեռամբ Գերշ. Տ. Եփրեմ Արք. Թապագեանի ձեռնադրուած է Կիսասարկաւագ։ 21 Մայիս 2000-ին, ձեռամբ Գերշ. Տ. Զարեհ Արք. Ազնաւորեանի ձեռնադրուած է Սարկաւագ։ 2002-ին, յաջողութեամբ աւարտելով աստուածաբանական-հայագիտական քառամեայ Ընծայարանի բաժինը, Արամ Ա. Վեհափառ Հայրապետի բարձր տնօրինութեամբ որպէս Սարկաւագ, 2 տարի Դպրեվանքէն ներս ստանձնած է Տեսուչի օգնական պաշտօնը։

Read more

His Grace Bishop Parikian meets with His Eminence Bahi in Toronto

12. November, 2014NewsNo comments

On Saturday, November 8, 2014, Archbishop Elia Bahi, Patriarchal Vicariate of Canada (Syrian Orthodox Church) and his entourage, visited Bishop Meghrig Parikian at St. Mary Armenian Apostolic Church to congratulate him on his recent election as Prelate of Canada.

The Syrian Orthodox Church of Antioch was established in AD 37 by St. Peter, the chief of apostles in Antioch the ancient capital of Syria. The faithful of this church are called Syrians after the name of Syria. At the dawn of Christianity members of this church were the people who had settled in upper and lower Mesopotamia who spoke Aramaic Syriac, which was the vernacular language of ancient Syria. They were converted to Christianity through the ministry of the apostles and disciples who scattered after the martyrdom of Archdeacon St. Stephen in Jerusalem. Many of them came to Antioch to preach the Holy Gospel.

Seminar by ANEC for Saturday School Teachers

12. November, 2014NewsNo comments

On Saturday, November 8, 2014, a seminar organized by the Prelacy’s Armenian National Education Council, took place in Cambridge, Ontario.

Leaders of the seminar and the workshops were Lory Abrakian and Nora Arouchian, members of AREC.

The seminar took place at the Armenian Community Centre of Cambridge.

Գանատայի Հայոց Թեմի Հայեցի Դաստիարակութեան Խորհուրդի կազմակերպութեամբ, տեղի ունեցաւ միօրեայ սեմինար մը, Գէմպրիճի Հ.Օ.Մ.-ի «Մեղրի» Մասնաճիւղի Շաբաթօրեայ դպրոցի դաստիարակներուն եւ ուսուցիչներուն համար։

Սեմինարի եւ աշխատանոցներու վարիչներն էին՝ Լորի Ապրագեան եւ Նորա Արուշեան։

The Bishops’ Synod of the Armenian Church

11. November, 2014NewsNo comments

Առաջնորդ Սրբազան Հայրը Պիտի Մասնակցի
Եպիսկոպոսաց Ժողովին

Գանատայի Հայոց Թեմի Առաջնորդ՝ Գերաշնորհ Տ. Մեղրիկ Եպկ. Բարիքեան, Կիրակի, 9 Նոյեմբեր 2014-ի երեկոյեան, մեկնեցաւ Երեւան, Հայաստան, միանալու համար Մեծի Տանն Կիլիկիոյ Սուրբ Աթոռի եպիսկոպոսական դասին, Ս. Էջմիածինի մէջ մասնակցելու Հայց. Առաքելական եկեղեցւոյ Եպիսկոպոսաց Բ. Ժողովին, որ տեղի պիտի ունենայ 11-13 Նոյեմբերին, նախագահութեամբ Ն.Ս.Օ.Տ.Տ. Գարեգին Բ. Ամենայն Հայոց եւ Ն.Ս.Օ.Տ.Տ. Արամ Ա. Մեծի Տանն Կիլիկիոյ Վեհափառ Հայրապետներուն։

Եպիսկոպոսաց Ժողովը մեր եկեղեցւոյ նուիրապետական չորս աթոռներուն բարձրաստիճան հոգեւորականները համախմբող ժողովն է, որ պիտի քննարկէ Հայ Եկեղեցւոյ եւ ազգային հիմնական հարցեր։ Օրակարգին մաս կը կազմեն ծիսական եւ Հայ Եկեղեցւոյ բարեկարգութեան առընչուած հարցեր, եւ յատկապէս Հայոց Ցեղասպանութեան 100-ամեակին, նահատակներու սրբադասման եւ Մայր Հայրենիքին եւ Հայութեան վերաբերող հարցեր:

The Bishops’ Synod of the Armenian Church

The first Bishops’ Synod of the Armenian Church, which commenced Tuesday, September 25-27, 2013 at the Mother See of Holy Echmiadzin after a six century-long interval, had two main subjects on the agenda – canonization of the Armenian Genocide victims and the package on the Baptism ceremonial rite.

The Synod has brought together 62 archbishops and bishops from the dioceses in Armenia and all over the world and is presided by His Holiness Karekin II, Supreme Patriarch and Catholicos of All Armenians and His Holiness Aram I, Catholicos of the Great House of Cilicia. It was for the first time that the synod was held with the participation of high-ranking clergymen from both the Mother See of Holy Etchmiadzin and the Great House of Cilicia.

The second Bishops’ Synod will convene on Tuesday, November 11, 2014. His Grace Bishop Meghrig Parikian traveled to Armenia to take part at the Synod.

Prelate Consecrated Church Icons at St. Nishan Church

10. November, 2014NewsNo comments


On Sunday, November 9, 2014, His Grace Bishop Meghrig Parikian, joined the Armenian Community in Cambridge to bless the new icons of the St. Nishan Armenian Apostolic Church during Divine Liturgy.

On the eve of Saturday, November 8, 2014, Prelate Parikian joined the community for their annual Banquet at the Armenian Community Centre.

Առաջնորդ Սրբազան Հայրը Օծեց
Ս. Նշան Եկեղեցւոյ Սրբանկարները

Գանատայի Հայոց Թեմի Առաջնորդ՝ Գերաշնորհ Տ. Մեղրիկ Սրբ. Եպկ. Բարիքեան, այցելեց Գէյմպրիճ, Շաբաթ, 8 Նոյեմբեր 2014-ին, ուր տեղի ունեցաւ Ս. Նշան Հայց. Առաքելական Եկեղեցւոյ տարեկան ճաշկերոյթը։ Կիրակի առաւօտեան, Սրբազան Հայրը ընկերակցութեամբ եկեղեցւոյ Հոգեւոր Հովիւ Հոգեշնորհ Տ. Գեղարդ Վրդ. Քիւսպէկեանին, օծեց եկեղեցւոյ սրբանկարները։

Archbishop Sarkissian Joins Armenian Community in Toronto

6. November, 2014NewsNo comments

ՀԱՆԴԻՊՈՒՄ ՄԻՈՒԹԵԱՆՑ ԵՒ ԿԱԶՄԱԿԵՐՊՈՒԹԻՒՆՆԵՐՈՒ ՆԵՐԿԱՅԱՑՈՒՑԻՉՆԵՐՈՒՆ ՀԵՏ

Չորեքշաբթի, 5 Նոյեմբեր 2014-ի առաւօտուն, գլխաւորութեամբ Առաջնորդ Սրբազան Հօր, Բերիոյ Հայոց Թեմի Առաջնորդ՝ Գերշ․ Տ․ Շահան Սրբ․ Արք․ Սարգիսեան հանդիպում մը ունեցաւ Թորոնթոյի Հայ Կեդրոնի յարկին ներքեւ գործող միութեանց եւ կազմակերպութիւններու, ինչպէս նաեւ Սուրիահայ Օժանդակութեան Յանձնախումբի անդամներուն հետ։

Բարի գալստեան խօսքով ներկաներուն իր ողջոյնի խօսքը արտասանեց Թեմիս Առաջնորդ՝ Գերշ․ Տ․ Մեղրիկ Սրբ Եպս․ Բարիքեան, որմէ ետք ներկաներուն իր խօսքը փոխանցեց Գերշ․ Տ․ Շահան Սրբ. Արք․ Սարգիսեան եւ համապարփակ տեղեկութիւն փոխանցեց նիւթական բոլոր կարելիութիւններուն եւ օժանդակութեանց մասին։

ՇԱՀԱՆ ՍՐԲԱԶԱՆ ԿԸ ՀԱՆԴԻՊԻ
«ՔԱՐԷՆ ԵՓՓԷ» ՃԵՄԱՐԱՆԻ ԱՆՑԵԱԼԻ
ՈՒՍԱՆՈՂՆԵՐՈՒՆ ՀԵՏ

Նոյն օրը երեկոյեան ժամը 6։00-ին, Սրբազան Հայրերը հանդիպեցան Ազգային «Քարէն Եփփէ» Ճեմարանի նախկին ուսանողներուն հետ։ Սոյն հանդիպման նպատակն էր Ճեմարանական ուսանողները ի մի խմբել, եւ անոնց միախմբումը մշտական դարձնել։

«ՆՈՒՌԻ ՖԻԼՄ»  ՓԱՌԱՏՕՆԻ
ՄԱՍՆԱԿՑՈՒԹԻՒՆ

Երեկոյեան ժամը 7։00-ին, Սրբազան Հայրերը ներկայ գտնուեցան Համազգային «Գլաձոր» Մասնաճիւղի կազմակերպած տարեկան «նուռի Ֆեստիվալ» ֆիլմի բացման հանդիսութեան։ Իրենց սրտի խօսքը արտասանելէ ետք, ուրախութեամբ իմացան, որ այս տարուան ֆիլմի ֆեստիվալի բացման ամբողջ եկամուտը պիտի տրամադրուի Բերիոյ Հայոց Թեմի «Դպրոց Հիմնադրամ»ին։

ԺՈՂՈՎՐԴԱՅԻՆ ՀԱՒԱՔ՝
Ի ՆՊԱՍՏ ԲԵՐԻՈՅ ՀԱՅՈՑ ԹԵՄԻ
«ԴՊՐՈՑ ՀԻՄՆԱԴՐԱՄ»ԻՆ

Իրիկուան ժամը 8։30-ին, տեղի ունեցաւ ժողովրդային հաւաքը, մասնակցութեան մեծ թիւով հայորդիներու։ Այս առիթով շնորհալի Տիկին Թամար Գուզույեան-Տօնապետեանը շքեղօրէն երկու ասմունքներու ներկայացմամբ իր մասնակցութիւնը բերաւ սոյն նախաձեռնութեան։ Յաջորդաբար խօսք առին եկեղեցւոյ Հովիւ՝ Հոգշ․ Տ․ Ստեփանոս Վրդ․ Փաշայեան, Հալէպի Օժանդակ Մարմնի Ատենապետ՝ Տիար Ժան Հալաճեան, Փոքրիկն Մարիամ Պոյաճեան, հուսկ Տ․ Շահան Արք․ Սարգիսեանը։

Սրբազան Հայրը սպառիչ իր պատգամով անգամ մը եւս յուսադրեց ներկաները ապրելու կամքով առլցուն։ Իր խօսքը եզրակացուց հետեւեալ բառերով․ «Սուրիաբնակ սուրիահայերը երախտագիտութեամբ եւ վճռակամութեամբ կը շարունակեն ապրիլ հայկական ու քրիստոնէական հաւատքը, հակառակ տագնապին ու վտանգներուն, բաց պահելով Հայ Դպրոցի դռները եւ նոր սերունդը դաստիարակելով պահանջատիրական  գիտակցութեամբ»։

Տեղի ունեցաւ տեսասկաւառակի ցուցադրութիւն, որմէ ետք աղօթքով եւ «Կիլիկիա»յի հաւաքական երգեցողութեամբ վերջ գտաւ Սրբազան Հօր առաքելութիւնը ի Գանատա։

Prelate Sarkissian in Cambridge

5. November, 2014NewsNo comments

ԲԵՐԻՈՅ ՀԱՅՈՑ ԹԵՄԻ ԱՌԱՋՆՈՐԴԸ
ԳԷՄՊՐԻՃԻ ՄԷՋ

Երկուշաբթի, 3 Նոյեմբեր 2014-ի երեկոյեան ժամը 6։00-ին, Առաջնորդ Սրբազան Հայրն ու Շահան Սրբազանը, ընկերակցութեամբ Հոգեւորականաց եւ Ազգային Վարչութեան ներկայացուցիչներուն, ժամանեցին Գէմպրիճ, ուր դիմաւորուեցան Գէմպրիճի Ս. Նշան եկեղեցւոյ Հոգեւոր Հովիւ՝ Հոգշ. Տ. Գեղարդ Վրդ. Քիւսպէկեանի, Գանատայի Հայոց Թեմի Ազգային Վարչութեան Գէմպրիճի ներկայացուցիչ՝ Տիար Մայք Թիթիզեանի, երեսփոխաններու, Հոգաբարձուներու, «Արամ Դրօ» Կոմիտէի եւ գործակից միութեանց եւ կազմակերպութիւններու ներկայացուցիչներուն կողմէ։

Յետ մտերմիկ ծանօթացման, երեկոյեան ժամը 8։30-ին տեղի ունեցաւ ժողովրդային հաւաք, Հայ Կեդրոնի «Փոստաճեան» սրահին մէջ։ Բացման խօսքով հանդէս եկաւ Հոգեւոր Հովիւ՝ Հոգշ. Տ. Գեղարդ Վարդապետը, ներկաներուն յիշեցուց, որ հանդիպման գլխաւոր նպատակն է լսել Բերիոյ Հայոց Թեմի խիզախ Առաջնորդին պատգամը եւ օժանդակել համանուն Թեմի «Դպրոց Հիմնադրամ»ին։ Հայր Սուրբի խօսքէն ետք տեղի ունեցաւ տեսասկաւառակի ցուցադրութիւն, որմէ ետք Նազիկ Հաննէշեանի կողմէ ներկայացուեցաւ կենսագրականը Շահան Սրբազանին, որ իսկոյն հրաւիրուեցաւ իր պատգամը փոխանցելու Գէմպրիճահայ Համայնքին։ Շահան Սրբազան հանգամանօրէն ներկայացուց Սուրիահայ Համայնքի ներկայ դժուարութիւններն ու մարտահրաւէրները, եւ կոչ ուղղեց ներկաներուն զօրավիգ կանգնելու Սուրիահայ իրենց եղբայրներուն եւ քոյրերուն։ Շահան Սրբազան շեշտեց որ ամէն բանէ աւելի բարոյական ընկճուածութիւնն է որ կը քայքայէ Համայնքը։ Սրբազան Հայրը կոչ ուղղեց, որպէսզի Սփիւռքի Հայութիւնը յուսատու դառնայ Սուրիահայութեան ո՛չ միայն նիւթական օժանդակութեամբ, այլ՝ բարոյական ներգործութեամբ։

Փակման խօսքով հանդէս եկաւ Առաջնորդ Սրբազան Հայրը, որ իր քաջալերական խօսքով յորդորեց զօրավիգ կանգնիլ Բերիոյ Հայոց Թեմի «Դպրոց Հիմնադրամի»ն ու աղօթքով փակեց երեկոն։

Archbishop Sarkissian Departs to Ontario

3. November, 2014NewsNo comments

Բերիոյ Հայոց Թեմի Առաջնորդը Պատարագեց
Ս. Յակոբ Առաջնորդանիստ Մայր Եկեղեցւոյ Մէջ

Կիրակի, 2 Նոյեմբեր 2014-ին, Գերաշնորհ Տ. Շահան Սրբ. Արք. Սարգիսեան Սուրբ եւ Անմահ Պատարագ մատուցեց Ս. Յակոբ Յակոբ Առաջնորդանիստ Մայր Եկեղեցւոյ մէջ, Մոնթրէալ։

Կէսօրէ ետք, Սրբազան Հայրը SKYPE-ի միջոցով կապ հաստատեց Վանգուվըրի գաղութին հետ եւ վկայաբանեց Սուրիոյ կացութեան մասին։

Նոյն երեկոյեան, Ազգային Առաջնորդարանի Դահլիճէն ներս տեղի ունեցաւ ընդունելութիւն նուիրուած «Դպրոց Հիմնադրամ»ին։

Երկուշաբթի առաւօտեան, Սրբազան Հայրը ընկերակցութեամբ Թեմակալ Առաջնորդին, մեկնեցան Գէմպրիճ, ուր երեկոյեան տեղի պիտի ունենայ ժողովրդային հաւաք։

Նոյեմբեր 4-6, Շահան Արքեպիսկոպոս պիտի այցելէ Թորոնթոյի գաղութը ուր տեղի պիտի ունենայ Ժողովրդային զօրակցական հաւաք եւ ընդունելութիւն, նուիրուած «Դպրոց Հիմնադրամ»ին։

Syria AID

3. November, 2014NewsNo comments

Սուրիահայութեան Նուիրուած Զօրակցահաւաք
Ի Նպաստ Բերիոյ Հայոց Թեմի
«Դպրոց Հիմնադրամ»ին

Ընդ բարձր հովանաւորութեամբ Թեմիս Առաջնորդ՝ Գերաշնորհ Տ. Մեղրիկ Սրբ. Եպկ. Բարիքեանի եւ կազմակերպութեամբ Գանատայի Հայոց Թեմի Ազգային Վարչութեան եւ Քէպէգի Սուրիահայութեան Օժանդակ Միացեալ Մարմնին, Ուրբաթ, 31 Հոկտեմբեր 2014-ի երեկոյեան, տեղի ունեցաւ զօրակցական հաւաք, Ս. Յակոբ Ազգային Վարժարանի «Բասդրմաճեան Թատերասրահ»ին մէջ։

Երեկոյեան գլխաւոր բանախօսն էր՝ Բերիոյ Հայոց Թեմի Առաջնորդ Գերաշնորհ Տ. Շահան Սրբ. Արք. Սարգիսեան, որ իր վկայաբանութեամբ մանրամասնեց Սուրիոյ եւ Հայութեան իրավիճակը, միշտ յոյս ներշնչելով եւ ըսելով, որ «Աստուծոյ օրհնութեամբ Սուրիահայութիւնը պիտի ապրի եւ փորձէ ապրիլ պատերազմային այս թշուառին օրերուն։ Սրբազան Հայրը բացատրեց, թէ Սուրիոյ տագնապը մեզի հետ կապ ունի, սակայն մեր պատերազմը չէ եւ Հայու նկարագրին հակառակ ընթացք է։ Սակայն մենք որպէս գիտակից ժողովուրդ, յանձնառու ենք»։ Սրբազան Հայրը իր խօսքի աւարտին շնորհակալութիւն յայտնեց ցարդ կատարուած բոլոր նուիրատուութիւններուն եւ փառք ու պատիւ տուաւ մեր ժողովուրդին։

Ձեռնարկի բացումը կատարեց Ազգային Առաջնորդարանի Դիւանապետուհի՝ Տանիա Օհանեան եւ բացման խօսքին մէջ ըսաւ. «Կը հաւատանք որ Սուրիոյ աննուաճ Առաջնորդին ներկայութիւնը յոյս կը ներշնչէ մեզի, որ մեր դպրոցները պիտի մնան մեր կեանքի կեդրոնական սահմանին մէջ եւ անոր համար ալ այսօր, մենք բոլորս ո՛չ միայն բարոյապէս, այլ նիւթական օժանդակութեամբ զօրավիգ պիտի կանգնինք Բերիոյ Հայոց Թեմի «Դպրոց» Հիմնադրամին»։

Քէպէգի Սուրիահայութեան Օժանդակ Միացեալ Մարմնին անունով խօսք առաւ Ֆլորա Կիրակոսեան եւ ըսաւ. «Այսօր, անգամ մը եւս համախմբուած ենք մեր պատմութեան մէջ նոր բացուած էջերուն վշտալի եւ թախծոտ բովանդակութիւնները տեղեկանալու, 100 տարին տակաւին չանցած Հայ Ժողովուրդը անգամ մը եւս վնասներ կը կրէ, անգամ մը եւս կը հալածուի, կը գաղթէ եւ իր կալուածները կը կորսնցնէ։ Այս անգամ հայատրոփ Հալէպահայութիւնն է որ բնաջնջումի կ՚ենթարկուի»։

Պրն. Գրիգոր Տէր Ղազարեան՝ Ատենապետ Ազգային Վարչութեան, իր սրտի խօսքին մէջ ըսաւ. «Կը գիտակցինք, որ այս զօրահաւաքը միայն լսելու համար չէ՝ այլեւ գործօն եւ հնչիւն մասնակցութիւն բերելու եւ օժանդակութեան ձեռք երկարելու մեր արիւնակիցներուն, որոնք դժուարին պայմաններու մէջ կը շարունակեն ապրիլ եւ պայքարիլ, վառ պահելու համար Մեծն Համայնքի՝ կրօնական, կրթական, մշակութային, մարզական եւ երիտասարդական կազմակերպութիւններու գործունէութիւնները՝ եւ կառոյցներու ու Համայնքի բաղկացուցիչ անդամներու Ֆիզիկական ապահովութիւնը: Ապահով կրնաք ըլլալ Սրբազա՛ն Հայր, որ աշխարհացրիւ մեր ազգի զաւակները, նաեւ Գանատայի ազգայինները՝ ամէն ձեւով եւ իրենց կարելիութեան սահմաններուն մէջ, զօրավիգ պիտի կանգնին Ձեր առաքելութիւնը արդիւնաւորելու եւ յաջողութեամբ պսակելու զայն»:

Ձեռնարկին արուեստի ներկայացումներով իրենց մասնակցութիւնը բերին Ս. Յակոբ Ազգային Վարժարանի աշակերտներէն՝ Թալիա Ճապրայեանը (Ասմունք), Առնօ եւ Արամ Շուժունեանները (Ջութակ) եւ Ստեփան Պալապանեանը (Դաշնամուր), որոնք իրենց ելոյթներուն համար մեծապէս գնահատուեցան Թեմակալ Առաջնորդին կողմէ։

Գերաշնորհ Տ. Սուրէն Սրբ. Արք. Գաթարոյեան, որպէս Բերիոյ Թեմի նախկին Առաջնորդ իր սրտի խօսքը փոխանցեց, անդրադառնալով Սուրիոյ ու յատկապէս Հալէպի մշակութային եւ շինարարական վերելքին ու յաջողութիւններուն։

Գանատայի Հայոց Թեմի Տեղեկատուական Աշխատակազմին կողմէ ցուցադրուեցաւ բեմադրիչ եւ նկարահանող Սերժ Եսայեանի «ԱՆՑԵԱԼԻ ՅՈՒՇԵՐՈՒՆ ԵՒ ԱՊԱԳԱՅԻ ՅՈՒՍԱԼԻՑ ԽՕՍՔԸ» տեսաերիզը, որ պատրաստուած էր յատկապէս սոյն ձեռնարկին համար։

Առաջնորդ Սրբազան Հայրը իր փակման եւ օրհնութեան խօսքին մէջ ըսաւ. «Վերջին տարիներուն Շահան Արքեպիսկոպոս “ընդ հուր եւ ընդ սուր” ապրող մեր ժողովուրդի զաւակներուն տէրն է՝ անոնց հետ բաժնելով ամէն ցաւ, տառապանք եւ դժուարութիւն։ Շահան Սրբազան ո՛չ միայն Աստուծոյ հաւատարիմ զաւակն է՝ որպէս Հովիւ Բանաւոր Հօտին՝ այլ նաեւ Աստուծոյ ներկայութիւնն է՝ զարնուած եւ զրկուած իր ժողովուրդին հաւատք ներշնչելու, յոյսի դռներ բանալու եւ որպէս քաջ հովիւ տէր կանգնելու իր խնամքին յանձնուած Աստուծոյ զաւակներուն»։

Ձեռնարկը փակուեցաւ Գերաշնորհ Տ. Խաժակ Սրբ. Արք. Յակոբեանի «Պահպանիչ» աղօթքով եւ Կիլիկիա օրհներգով։

Archives