ENCYCLICAL OF HIS HOLINESS ARAM I, ON THE OCCASION OF THE 100TH ANNIVERSARY OF THE ARMENIAN GENOCIDE

26. December, 2014NewsNo comments

ՀԱՅՈՑ ՑԵՂԱՍՊԱՆՈՒԹԵԱՆ 100-ԱՄԵԱԿԻՆ ՆՈՒԻՐՈՒԱԾ
Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍԻ
ՍՐԲԱՏԱՌ ԿՈՆԴԱԿԻ ԸՆԹԵՐՑՈՒՄ

Յառաջիկայ Կիրակի, 28 Դեկտեմբերին, Անթիլիասի Մայրավանքի Մայր Տաճարէն ներս, ինչպէս նաեւ Մեծի Տանն Կիլիկիոյ Կաթողիկոսութեան բոլոր թեմերու եկեղեցիներէն ներս, յընթացս Ս. եւ Անմահ Պատարագին պիտի կարդացուի Հայոց Ցեղասպանութեան 100-ամեակին նուիրուած Ն.Ս.Օ.Տ.Տ. Արամ Ա. Կաթողիկոսի Հայրապետական Սրբատառ Կոնդակը։

Կոչ կ’ուղղենք մեր ժողովուրդի սիրելի զաւակներուն ներկայ գտնուելու Ս. եւ Անմահ Պատարագին՝ մեր բոլոր եկեղեցիներէն ներս ունկնդրելու Վեհափառ Հայրապետին Կոնդակը եւ անկէ եկող մտածումներով ու պատգամներով գoտեպնդուած արժեւորելու 2015 թուականը մեր ժողովուրդի պահանջատիրական պայքարին մէջ:

Imam Nabil Abbas meets with Prelate Parikian

23. December, 2014NewsNo comments

His Grace Bishop Meghrig Parikian received Imam Nabil Abbas, Sheikh of Lebanese Islamic Centre, at the Prelacy offices on Tuesday, December 23, 2014.

Sheikh Abbas visited Prelate Parikian to personally congratulate him during the holiday season. Both leaders wished peace in the world and especially at the war regions in the Middle East.

Present at the meeting were Very Rev. Fr. Vartan Tashjian, Mr. Krikor Der Ghazarian, chairperson of the Prelacy, Dr. Girair Basmadjian, chairperson of the Armenian National Committee of Canada and a member of the Catholicosate’s Central Committee.

ԱՌԱՋՆՈՐԴ ՍՐԲԱԶԱՆ ՀՕՐ ՆՈՐ ՏԱՐՈՒԱՆ ԵՒ ՍՈՒՐԲ ԾՆՆԴԵԱՆ ԺԱՄԱՆԱԿԱՑՈՅՑԸ

23. December, 2014NewsNo comments

1.- Հինգշաբթի, 1 Յունուար, 2015

Նոր Տարին աղօթքով դիմաւորելու առաջադրութեամբ, Նոր Տարուան առաջին իսկ ժամուն, Հինգշաբթի, 1 Յունուար, 2015, կէս գիշերուան ժամը 00։30-00։45-ին, Ս. Գէորգ Հայց. Առաք. Եկեղեցւոյ մէջ տեղի պիտի ունենայ գոհաբանական աղօթք, հանդիսապետութեամբ Առաջնորդ Սրբազան Հօր։

 

2.- Հինգշաբթի, 1 Յունուար, 2015

Նոր Տարուան առաջին ժամերը Սուրբ Պատարագով սկսելու եւ որպէս նոր մարդ՝ Սուրբ Հաղորդութեամբ նորոգուելու հաւատքով Սուրբ եւ Անմահ Պատարագ պիտի մատուցուի, Ս. Յակոբ Առաջնորդանիստ Մայր Եկեղեցւոյ մէջ, հանդիսապետութեամբ Առաջնորդ Սրբազան Հօր, կէսօրուան ժամը 11։00-ին։ Պիտի Պատարագէ Հոգեշնորհ Տ. Վարդան Աբղ. Թաշճեան եւ պիտի քարոզէ Առաջնորդ Սրբազան Հայրը։

Ս. Պատարագի աւարտին, կէսօրուան ժամը 1։00-3։00, Առաջնորդ Սրբազան Հայրը պիտի ընդունի Նոր Տարուն շնորհաւորութիւններ, Ազգային Առաջնորդարանի Դահլիճին մէջ։

 

3.- Երկուշաբթի, 5 Յունուար, 2015

Տեառն մերոյ Յիսուսի Քրիստոսի Ս. Ծննդեան տօնին առիթով, Ճրագալոյցի Երեկոյեան, Սուրբ Յակոբ Առաջնորդանիստ Մայր Եկեղեցւոյ մէջ պիտի մատուցուի հանդիսաւոր Սուրբ եւ Անմահ Պատարագ։

Պիտի Պատարագէ եւ Քարոզէ

ԳԵՐՇ. Տ. ՄԵՂՐԻԿ. ՍՐԲ. ԵՊՍ. ԲԱՐԻՔԵԱՆ

Առաջնորդ Գանատայի Հայոց Թեմին

Ս. Պատարագի Երգեցողութիւնը պիտի կատարուի, «ՆՈՐ ԾԱՂԻԿ» Երգչախումբին կողմէ, ղեկավարութեամբ՝ Տիկին Էլօ Հարպոյեանի։

Սկիզբ Ժամերգութեան, յետմիջօրէի ժամը 4։00-ին։

Սուրբ Գիրքերէն ընթերցում, յետմիջօրէի ժամը 4։30-ին։

Սուրբ Պատարագ, Երեկոյեան ժամը 5։30-ին։

Սիրով կը հրաւիրենք մեր ժողովուրդի զաւակները ներկայ գտնուելու Յիսուս Քրիստոի Ծնունդը աւետող Սուրբ Պատարագին եւ լսելու Առաջնորդ Սրբազան Հօր Պատգամը։

Ս. Պատարագի աւարտին, իրիկուան ժամը 8։00-9։00, Առաջնորդ Սրբազան Հայրը պիտի ընդունի Ս. Ծննդեան շնորհաւորութիւններ, Ազգային Առաջնորդարնի Դահլիճին մէջ։

 

4.- Երեքշաբթի, 6 Յունուար, 2015

Տեառն մերոյ Յիսուսի Քրիստոսի Ս. Ծննդեան եւ Աստուածայայտնութեան տօներուն առիթով, Թորոնթոյի Սուրբ Աստուածածին Եկեղեցւոյ մէջ պիտի մատուցուի հանդիսաւոր Սուրբ եւ Անմահ Պատարագ։

Պիտի Պատարագէ եւ Քարոզէ

ԳԵՐՇ. Տ. ՄԵՂՐԻԿ. ՍՐԲ. ԵՊՍ. ԲԱՐԻՔԵԱՆ

Առաջնորդ Գանատայի Հայոց Թեմին

Ս. Պատարագի Երգեցողութիւնը պիտի կատարուի, «ԶԱՐԵՀ ԱԶՆԱՒՈՐԵԱՆ» Դպրաց Դասին կողմէ ։

Սկիզբ Ժամերգութեան, առաւօտեան ժամը 9։30-ին։

Սուրբ Պատարագ, Առաւօտեան ժամը 11։00-ին։

Ջրօրհնէք, յետմիջօրէի ժամը 1։00-ին։

Սիրով կը հրաւիրենք մեր ժողովուրդի զաւակները ներկայ գտնուելու Յիսուս Քրիստոի Ծննդեան Սուրբ Պատարագին եւ լսելու Առաջնորդ Սրբազան Հօր Պատգամը։

Ս. Պատարագի աւարտին, յետմիջօրէի ժամը 2։00-3։00, Առաջնորդ Սրբազան Հայրը պիտի ընդունի Ս. Ծննդեան շնորհաւորութիւններ, Եկեղեցւոյ ներքնասրահին մէջ։

 

5.- Չորեքշաբթի, 7 Յունուար, 2015

Տեառն մերոյ Յիսուսի Քրիստոսի Ս. Ծննդեան եւ Աստուածայայտնութեան տօներուն առիթով, ննջեցելոց յիշատակին նուիրուած Սուրբ Պատարագ Պիտի մատուցուի Թորոնթոյի Սուրբ Աստուածածին Եկեղեցւոյ մէջ, հանդիսպետութեամբ՝ Առաջնորդ Սրբազան Հօր։

 

* * *

 

Montreal Armenian Community Centre’s Bridge Group visits Prelate Parikian

13. December, 2014NewsNo comments

Վերջերս, Գանատա կը գտնուէր Բերիոյ Հայոց Թեմի Առաջնորդ՝ Գերաշնորհ Տ. Շահան Սրբ. Արք. Սարգիսեան, որ յատուկ առաքելութեամբ կ’այցելէր Թեմս։ Այս նպատակով, Երկուշաբթի, 8 Դեկտեմբեր 2015-ին, Գերաշնորհ Տ. Մեղրիկ Սրբ. Եպկ. Բարիքեանին այցելեցին Մոնթրէալի Հայ Կեդրոնի «Պրիտճ»ի խումբը, որոնք $500-ի նուիրատուութիւն մը կատարեցին Բերիոյ Հայոց Թեմի «Դպրոց Հիմնադրամ»ին։

Այս առթիւ, «Պրիտճ»ի խումբը շնորհաւորեց նաեւ Թեմակալ Առաջնորդին Նոր Տարին եւ Սուրբ Ծնունդը, անոր մաղթելով առողջ եւ ծառայութեան բեղուն տարիներ։

Msour Event

13. December, 2014NewsNo comments

Առաջնորդարանի Մսուրի ու Կաղանդի Ծառի Լուսաւորում

Ուրբաթ, 5 Դեկտեմբեր 2014-ին, տեղի ունեցաւ Ազգային Առաջնորդարանի մսուրի եւ կաղանդի ծառի լուսաւորումը բարձր հովանաւորհութեամբ Թեմակալ Առաջնորդ Գերաշնորհ Տ. Մեղրիկ Սրբ. Եպկ. Բարիքեանին եւ նախագահութեամբ Տիկին Լինտա Պալապանեանին։ Այս առթիւ, Առաջնորդ Սրբազան Հայրը գնահատեց Տիկին Պալապանեանը եւ պարգեւատրեց Ն.Ս.Օ.Տ.Տ. Արամ Ա. Վեհափառ Հայրապետի 2014 տարին «Հայ Տարեցներու Տարի» հռչակած ըլլալուն յատուկ գնահատագրով։ Սոյն նախաձեռնութեան իրենց մասնակցութիւնը բերին Ս. Գէորգ Հայց. Առաքելական Եկեղեցւոյ Կիրակնօրեայ Դպրոցի աշակերտները փունջ մը նոր տարուան եւ Ս. Ծննդեան երգերով, որ մեծ խանդավառութիւն ստեղծեց բոլոր ներկաներուն մէջ։

Առաջնորդ Սրբազան Հայրը յատուկ կերպով գնահատեց մսուրի յղացման եւ զայն շինող ազգայիններէն Պրն. Պետիկ Շահինեանը  եւ իր տիկինը՝ Լիւսին ու անոնց որդին Վահէն, որոնք խանդավառութեամբ պատրաստեցին մսուրը եւ ստանձնեցին անոր բոլոր ծախսերը։ Մսուրը զետեղուեցաւ Ազգային Առաջնորդարանին կից՝ Ս. Յակոբ Եկեղեցւոյ շրջափակին մէջ։

Սրբազանը այս առիթով գնահատեց նաեւ Գանատայի Երիտասարդական Միութեան անդամները իրենց զեղուն նուիրուածութեան համար։ Սրբազան Հայրը յաջորդաբար շնորհա-կալութիւն յայտնեց Բարեշնորհ Միհրան Կիսսրկ. Խշխըշեանին ու անոր տիկնոջ Նարինէին, որոնք ստանձնեցին շաքանակի եւ hot chocolate-ի հիւրասիրութիւնը։ Տէր եւ Տիկին  Պետիկ եւ Նուշիկ Նալպանտեաններուն, որոնք ստանձնեցին բոլոր լոյերու տեղա-դրումը, Պրն. Ճորճ Խրիկեանին իր ամբողջական ընծայաբերման համար, Երիցուհի Նինա Գոյունեանին, Ս. Յակոբ Առաջնորդանիստ Մայր Եկեղեցւոյ Հոգեւոր Քոյրերուն եւ բոլոր անոնց, որոնք Առաջնորդարանի Կանանց Խորհուրդին առաջնորդութեամբ պատրաստեցին ճոխ հիւրասիրութիւն մը։

Prelate Acknowledges the Armenian Elderly in Ottawa

13. December, 2014NewsNo comments

Սրբազան Հայրը Պարգեւատրեց Օթթաոաւյի Հայ Տարեցները

Շաբաթ, 29 Նոյեմբեր 2014-ին, Գանատայի Մայրաքաղաք` Օթաուայի մէջ, ընդ բարձր հովանաւորութեամբ Գերաշնորհ Տ. Մեղրիկ Սրբ. Եպկ. Բարիքեանի եւ կազմակերպութեամբ Հ.Օ.Մ.ի «Սեւան» մասնաճիւղին, Հայաստանի Հանրապետու-թեան Դեսպանատան մէջ տեղի ունեցաւ Հայ Տարեցներու պարգեւատրում։ Ներկայ էին Պատուակալ Դեսպանն ու իր տիկինը, սոյն մայրաքաղաքին մէջ ապրող հայ տարեցները, Հոգեշնորհ Տ. Վարդան Աբղ. Թաշճեան՝ Գանատայի Հայոց Թեմի Քրիստոնէական Դաստիարակութեան Խորհուրդի Վարիչ, Պրն. Գրիգոր Տէր Ղազարեան՝ Ազգային Վարչութեան Քաղաքական Ժողովի Ատենապետ եւ Ազգային Առաջնորդարանի Դիւանապետ Տանիա Օհանեան։

Պարգեւատրման երեկոն ընթացաւ ջերմ եւ մտերմիկ մթնոլորտով, որուն ընթացքին տեղի ունեցաւ հիւրասիրութիւն։ Աւարտին, Թեմակալ Առաջնորդը իր խօսքին ընդմէջէն նախ շնորհաւորեց տարեցները շեշտելով թէ 2014 տարին Հայ Տարեցներու Տարի Հռչակուած է Ն.Ս.Օ.Տ.Տ. Արամ Ա. Կաթողիկոսի կողմէ, յիշեցնելով որ մեծերը յարգելը, սիրելը եւ պատուելը, առաքինութեանց լաւագոյնն է։ Վերջապէս Սրբազան Հայրը Շնորհակալութիւն յայտնեց Պատուակալ Դեսպանին եւ իր տիկնոջ իրենց յաճախակի հիւրընկալութեան եւ ծառայասիրութեան համար, յիշեցնելով թէ Դեսպանատունը սփիւռքի մէջ կտոր մը Հայրենիք է, որուն վրայ կենալով, մենք կ’ապրինք ու կը համակուինք Մայր Հայրենիքի հանդէպ ունեցած հարազատ զգացումներով։ Առաջնորդ Սրբազան Հայրը գնահատեց նաեւ Հ.Օ.Մ.ի «Սեւան» մասնաճիւղը իրենց այս նախաձեռնութեան համար եւ նուիրական ու շարունական ճիգերուն համար, որպէս մարդասիրական կազմակերպութիւն։

Elie Barbarian donates a concert for Sourp Kevork Church Building Project

13. December, 2014NewsNo comments

Առաջնորդ Սրբազան Հայրը գնահատեց
մեներգիչ Էլի Պէրպէրեան

Շաբաթ, 29 Նոյեմբեր 2014-ին, Լաւալի Հայ Աւետարանական Մայր Եկեղեցւոյ մէջ, տեղի ունեցաւ դասական եւ հայկական երգերու ելոյթ, երգեցողութեամբ եւ մասնակցութեամբ գաղութիս ծանօթ երգիչ Էլի Պէրպէրեանի եւ իր նուագախումբին։ Ներկայ էին հոգեւորականաց դասը, ազգային գործիչներ եւ մշակութասէր հանդիսատեսները։ Յիշելու արժանի է, թէ սոյն ելոյթի հասոյթը նուիրատրուած է, Ս. Գէորգ եկեղեցւոյ շինութեան ծրագրին եւ կազմակերպչական աշխատանքներուն իր մասնակցութիւնը բերած է Համազգայինի «Սանահին» մասնաճիւղը։
Բացման խօսքը կատարեց Պրն. Մեսրոպ Պէրէճիքեան ապա Ս. Գէորգ Եկեղեցւոյ Հոգեւոր Հովիւ Տ. Գաբրիէլ Քհնյ. Գամայեան։ Մենահամերգի աւարտին, Գերաշնորհ Տ. Մեղրիկ Սրբ. Եպկ. Բարիքեան խօսք առնելով, շնորհաւորեց եւ գնահատեց մեներգիչ Էլի Պէրպէրեանը եւ անոր նուագա-խումբը, Ս. Գէորգ Եկեղեցւոյ կառուցման ծրագրին իրենց անշահախնդիր ծառայութեան եւ աջակցութեան համար։

Jehizian visits Prelacy

1. December, 2014NewsNo comments

Գրագէտ Տիկին Ճէհիզեան կը հանդիպի Առաջնորդ Սրբազան Հօր Հետ

Չորեքշաբթի, 26 Նոյեմբեր 2014-ի կէսօրուան ժամերուն, Գանատայի Հայոց Թեմի Ազգային Առաջնորդարան այցելեց, Տիկին Իզապէլ Էսթուրնէ Ճէհիզեան ուր հանդիպեցաւ Թեմակալ Առաջնորդ Գերաշնորհ Տ. Մեղրիկ Սրբ. Եպկ. Բարիքեանին հետ։

Տիկին Ճէհիզեան Մոնթրէալ ժամանած էր Ֆրանսայէն ներկայացնելու համար իր հեղինակած «Մոմիկ» գիրքը։ Հանդիպման ներկայ էին նաեւ Հոգեշնորհ Տ. Վարդան Աբղ. Թաշճեան եւ Համազգայինի Շրջանային Վարչութեան անդամներ, տիկիններ՝ Ռիթա Շամլեան եւ Ծովիկ Գահուէճեան։

1. December, 2014NewsNo comments

Առաջնորդ Սրբազանը կը մասնակցի
Աբգար Եպիսկոպոսի Հրաշափառին

Երեքշաբթի, 25 Նոյեմեր 2014-ին, Գանատայի Հայոց Թեմի Առաջնորդ Գերաշնորհ Տ. Մեղրիկ Սրբ. Եպկ. Բարիքեան ներկայ գտնուեցաւ Էջմիածնական Թեմի նորապսակ Եպիսկոպոս Գերաշնորհ Տ. Աբգար Սրբ. Եպկ. Յովակիմեանի օծման և ձեռնադրութեան Հրաշափառի արարողութեան, որ տեղի ունեցաւ Սբ. Գրիգոր Լուսաւորիչ Առաջնորդանիստ Մայր Եկեղեցւոյ մէջ։

Առաջնորդ Սրբազան Հօր կ’ընկերակցէին Հոգեշնորհ Տ. Վարդան Աբղ. Թաշճեան, Արժանապատիւ Տ. Գաբրիէլ Քհնյ. Գամայեան, Ազգային Վարչութեան Ատենապետ Պրն. Գրիգոր Տէր Ղազարեան, Ազգային Վարչութեան անդամ Պրն. Վարդավառ Փանոսեան, Ազգային Առաջնորդարանի Դիւանապետ տիկին Տանիա Օհանեան եւ Ս. Յակոբ Առաջնորդանիստ Մայր Եկեղեցւոյ Հոգաբարձութեան Ատենադպիր՝ Պրն. Թորոս Պապիկեան։

 

Prelate Visits Republic of Lebanon Independence

1. December, 2014NewsNo comments

Առաջնորդ Սրբազան Հայրը Շնորհաւորեց
Լիբանանի Անկախութեան Տօնը

Հինգշաբթի, 20 Նոյեմբեր 2014-ին, Երեկոյեան ժամը 7-ին Առաջնորդ Սրբազան Հայրը ընկերակցութեամբ Ազգային Վարչութեան Կրօնական Ժողովի Ատենապետ՝ Արժանապատիւ Տ. Գառնիկ Աւ. Քհնյ. Գոյունեանի եւ Ազգային Քաղաքական Ժողովի Ատենապետ՝ Պրն. Գրիգոր Տէր Ղազարեանի եւ Արժանապատիւ Տ. Գաբրիէլ Քհնյ. Գամայեանի, պաշտօնական այցելութեամբ ներկայ գտնուեցաւ, Լիբանանի Անկախութեան 71րդ տարեդարձին։

Առաջնորդ Սրբազան Հայրը պաշտօնապէս շնորհաւորեց յարգելի Հիւպատոսը անոր յայտնելով Գանատահայութեան ամբողջական սէրն ու երախտագիտութիւնը Լիբանանի ու անոր ազատատէնջ եւ քաջարի բանակին։

Archives