Mayor Corderre meets with clerics of Montreal

30. January, 2015NewsNo comments

On Wednesday, January 28, 2015, Mr. Denis Coderre, Mayor of Montreal, invited all religious leaders of Montreal to attend a meeting to discuss unity and diversity.

Very Rev. Father Vartan Tashjian, represented Bishop Parikian at the meeting and he was accompanied by Mr. Krikor Der Ghazarian, chairperson of the Prelacy.

During the meeting, Father Tashjian spoke of the collaboration between religious leaders and emphasized the importance of unity and diversity, and how it can be reconciled with shared humanity.

Չորեքշբաթի, 28 Յունուար 2015-ին, Մոնթրէալի քաղաքապետարանին մէջ տեղի ունեցաւ միջ-կրօնական պետերու հանդիպում մը, նախագահութեամբ Քաղաքապետ պրն. Տէնի Քորտէրին։

Հանդիպման ընթացքին ներկայ կրօնաւորները խօսեցան իրենց համայնքները յուզող հարցերու մասին եւ շեշտուեցաւ միջ-կրօնական համագործակցութեան կարեւորութիւնը։

Հոգեշնորհ Տ. Վարդան Աբեղայ Թաշճեան ներկայացնելով Առաջնորդ Սրբազան Հայրը, խօսք առաւ եւ յայտնեց ըսելով. «Մարդ անհատը հակառակ իր ինքնորոյն հաւատքին ու դաւանանքին, իր նմանին հետ զինք միացնողը սիրոյ եւ փոխ-յարգանքի արժէքներն են, հետեւաբար, կրօնքը իր ընդհանուր հասկացողութեամբ մարդկութիւնը իրար կապող եւ գոտեպնդող միակ ճամբան է»։

Աւարտին, Քաղաքապետ Քորտէր շնորհակալութիւն յատնելով ներկայ հոգեւոր պետերուն, իր կարգին շեշտեց միջ-կրօնական համագործակցութեան կարեւորութիւնը ձեռք բերելու համար խաղաղ եւ ծաղկուն ապագայ։

ԱՌԱՋԱՆՈՐԴ ՍՐԲԱԶԱՆ ՀԱՅՐԸ ԿԸ ՄԱՍՆԱԿՑԻ ԵԿԵՂԵՑՒՈՅ ՄԻՈՒԹԵԱՆ ՆՈՒԻՐՈՒԱԾ ՄԻՋ-ԵԿԵՂԵՑԱԿԱՆ ԱՐԱՐՈՂՈՒԹԵԱՆ

19. January, 2015NewsNo comments

ԱՌԱՋԱՆՈՐԴ ՍՐԲԱԶԱՆ ՀԱՅՐԸ ԿԸ ՄԱՍՆԱԿՑԻ ԵԿԵՂԵՑՒՈՅ ՄԻՈՒԹԵԱՆ ՆՈՒԻՐՈՒԱԾ ՄԻՋ-ԵԿԵՂԵՑԱԿԱՆ ԱՐԱՐՈՂՈՒԹԵԱՆ

Տարիներու աւանդութեան համաձայն, աշխարհի բոլոր եկեղեցիները Յունուար ամսուան երրորդ շաբաթը նուիրած են եկեղեցւոյ միութեան աղօթքի շաբթուան։

Կիրակի, 18 Յունուար 2015-ին, Գերաշնորհ Տ. Մեղրիկ Սրբ. Եպկ. Բարիքեան, մասնակցեցաւ Մոնթրէալի մէջ տեղի ունեցած Միջ-եկեղեցական արարողութեան, ուր ներկայ էին հոգեւոր պետեր, առաջնորդներ եւ հոգեւորականներ, ինչպէս նաեւ հաւատացեալներու հոծ բազմութիւն մը։  Առաջնորդ Սրբազան Հօր կ՚ընկերակցէին Հոգեշնորհ Տ. Վարդան Աբղ. Թաշճեան եւ Արժանապատիւ Տ. Գաբրիէլ Քհնյ. Գամայեան։

ST. CATHERINES

19. January, 2015NewsNo comments

ԱՌԱՋՆՈՐԴ ՍՐԲԱԶԱՆ ՀԱՅՐԸ՝
ST. CATHERINES-Ի ՄԷՋ

Կիրակի, 11 Յունուար 2015¬ի կէսօրուան ժամը 1։00¬ին, մեր Տիրոջ՝ Յիսուս Քրիստոսի Ս. Ծննդեան տօնին առիթով, St. Catherines¬ի Ս. Պօղոս Հայց. Առաքելական եկեղեցւոյ մէջ մատուցուեցաւ հանդիսաւոր Պատարագ, ներկայութեամբ Թորոնթոյի Հոգեւոր Հովիւին, Ազգային Վարչութեան ներկայացուցիչին, շրջանի Հոգաբարձութեան եւ միութիւններու ներկայացուցիչներուն, Սարկաւագներու եւ Դպրաց Դասի անդամ¬անդամուհիներուն, ինչպէս նաեւ աւելի քան 50 հաւատացեալներու։ Սուրբ եւ Անմահ Պատարագը մատուցեց Գանատայի Հայոց Տիրախնամ Թեմի Առաջնորդ՝ Գերշ. Տ. Մեղրիկ Սրբ. Եպս. Բարիքեան։

Ս. Պատարագի աւարտին, տեղի ունեցաւ ջրօրհնէքի հանդիսաւոր արարողութիւն։ Ապա, Առաջնորդ Սրբազան Հայրը իր Հայրական պատգամին մէջ առաջին հերթին շնորհաւորեց բոլորին Նոր Տարին եւ Ս. Ծնունդը, մաղթելով ամենայն բարիք, յաջողութիւններով լեցուն տարի մը։

Ս. Պատարագէն անմիջապէս ետք, Հ.Օ.Մ.¬ի «Արազ» Մասնաճիւղի Շաբաթօրեայ Դպրոցի ամանորեայ հանդէսն ու ճաշկերոյթը տեղի ունեցաւ, որուն Թեմակալ Առաջնորդ Սրբազան Հայրը բարձր գնահատանքով արտայայտուեցաւ շրջանէն ներս այսպիսի նախաձեռնութիւններ առաւել եւս կազմակերպել ու շրջանը ծաղկեցնել։

SOUNDS OF ARMENIA

19. January, 2015NewsNo comments

ԹԵՄԱԿԱԼ ԱՌԱՋՆՈՐԴ ՍՐԲԱԶԱՆ ՀԱՅՐԸ
ՆԵՐԿԱՅ ԿԸ ԳՏՆՈՒԻ
SOUNDS OF ARMENIA (ՀԱՅՈՑ ՄԵՂԵԴԻՆԵՐ)
ԵՐԳԱՀԱՆԴԷՍԻՆ

Կիրակի, 11 Յունուար 2015¬ի երեկոյեան ժամը 7։30¬ին, Markham Theatre¬ի մէջ, Թորոնթոյի Հայ Ակումբի Վարչութեան հրաւէրով տեղի ունեցաւ Sounds of Armenia (Հայոց Մեղեդիներ) անունով գեղարուեստական երգահանդէս մը, մասնակցութեամբ «Հոռովել» եւ «Քանար» նուագախումբերու, որուն ներկայ եղաւ Գանատայի Հայոց Տիրախնամ Թեմի Առաջնորդ՝ Գերշ. Տ. Մեղրիկ Սրբ. Եպս. Բարիքեան։

Ձեռնարկի աւարտին, Առաջնորդ Սրբազան Հայրը բարձրօրէն գնահատեց «Հոռովել» եւ «Քանար» նուագախումբերու մասնակիցներն ու անհատ կամաւորները, ինչպէս նաեւ Խմբավարը եւ ժողովուրդին ուղղելով իր խօսքը ըսաւ. «Ահաւասիկ մեր ժողովուրդին ապագան։ Վստահ եմ, որ այս առաջին ձեռնարկը, ¬որ նուիրուած էր մեր նահատակներուն՝ Հայկական Ցեղասպանութեան 100 ամեակին¬, անոնց թափած արիւնն ու թողած կտակը մեր նոր սերունդի զաւակները պիտի շարունակեն պահել յանուն արդարութեան պաշտպանութեան ի խնդիր»։

Երգահանդէսը իր աւարտին հասաւ «Պահպանիչ» աղօթքով։

Bishop Parikian and Mr. Der Ghazarian participate at a roundtable

7. January, 2015NewsNo comments

Bishop Parikian and Mr. Der Ghazarian participate at a roundtable
Hosted by the Honourable Christian Paradis and the Honourable Chris Alexander

On the morning of January 7, 2015, His Grace Bishop Meghrig Parikian, Prelate, and Mr. Krikor Der Ghazarian, Chairperson of the Prelacy Executive Council, participated at a roundtable discussion regarding the persecution of religious minorities in Syria and Iraq at the regional offices of the Religious Freedoms, in Toronto, Ontario.

Minister for International Development and La Francophonie, the Honourable Christian Paradis and the Minister for Citizenship and Immigration, the Honourable Chris Alexander, hosted the roundtable. The Ambassador for Religious Freedom, Dr. Andrew Bennett, facilitated the meeting.

Ambassador Bennett conveyed the welcome and introductions and Ministers Paradis and Alexander delivered the opening remarks. Discussions by the participants took place on the following topics:
A. Support for persecuted religious minorities – the role of faith communities
B. Education, post-conflict development and peace building
C. Countering violent extremism
D. Political reconciliation and long-term stability

The topics of the discussion focused on the challenges faced by religious minorities to the crisis in Iraq and Syria, and the short-term (humanitarian assistance) and long-term development programming solutions.

Թեմիս Առաջնորդ Տ. Մեղրիկ Սրբ. Եպկ. Բարիքեան, այցելեց Սուրբ Յակոբ Առաջնորդանիստ Մայր Եկեղեցւոյ Ծաղկոցը՝ Նոր Տարուան առիթով:

5. January, 2015NewsNo comments

Թեմիս Առաջնորդ Տ. Մեղրիկ Սրբ. Եպկ. Բարիքեան, այցելեց Սուրբ Յակոբ Առաջնորդանիստ Մայր Եկեղեցւոյ Ծաղկոցը՝ Նոր Տարուան առիթով:

Առաջնորդ Սրբազան Հայրը այցելեց Կաթողիկէ Համայնքի Առաջնորդները

5. January, 2015NewsNo comments

Առաջնորդ Սրբազան Հայրը այցելեց
Կաթողիկէ Համայնքի Առաջնորդները

Հինգշբաթի, 25 Դեկտեմբեր 2014-ին, Թեմիս Առաջնորդ Տ. Մեղրիկ Սրբ. Եպկ. Բարիքեան, այցելեց Քէպէգի Կաթողիկէ համայնքներու Առաջնորդները, իւրաքանչիւրին շնորհաւորելով Սուրբ Ծննդեան տօնը։

Սրբազան Հայրը այցելեց Գերյարգելի Զապարեանը (Հայ Կաթողիկէ Եկեղեցի), Իսքանտար Եպիսկոպոսը (Անտիոքի Յոյն Եկեղեցի), Ասորի Ուղղափառ Համայնքը եւ Թապէդ Արքեպիսկոպոսը (Մարոնիթ Եկեղեցի)։

 

ՍԱՐԿԱՒԱԳԱՑ ՊԱՏԱՐԱԳ Ս. ՅԱԿՈԲ ԱՌԱՋՆՈՐԴԱՆԻՍՏ ՄԱՅՐ ԵԿԵՂԵՑՒՈՅ ՄԷՋ

5. January, 2015NewsNo comments

Սարկաւագաց Պատարագ
Ս. Յակոբ Առաջնորդանիստ Մայր Եկեղեցւոյ մէջ

Հինգշաբթի, 25 Դեկտեմբեր 2015-ի երեկոյեան, Ս. Յակոբ Առաջնորդանիստ Մայր Եկեղեցւոյ մէջ տեղի ունեցաւ Ս. Ստեփանոս Նախասարկաւագի նուիրուած Սուրբ եւ Անմահ Պատարագ։

Նախագահութեամբ Թեմիս Առաջնորդ Տ. Մեղրիկ Սրբ. Եպկ. Բարիքեանի, Թեմիս Հոգեւորականաց Դասը, եկեղեցիներու Սարկաւագները, Կիսասարկաւագներն ու դպիրները մասնակցեցան Սուրբ եւ Անմահ Պատարագին, ուր պատարագեց եւ քարոզեց Ս. Աստուածածին Հայց. Առաքելական Եկեղեցւոյ Հոգեւոր Հովիւ՝ Հոգեշնորհ Տ. Ստեփանոս Վրդ. Փաշայեանը։

Պատարագի աւարտին, Առաջնորդարանի Դահլիճէն ներս տեղի ունեցաւ ընթրիք՝ նուրիուած Թեմիս բոլոր  Սարկաւագներուն։

Archives