Children Festival in Montreal

28. February, 2015NewsNo comments

Children Festival in Montreal

The Armenian Prelacy of Canada’s Armenian National Education Council based on the last four years enthusiasm by children in the community organized the Children’s Festival, which took place on Saturday, February 21, 2015 at the Montreal Armenian Community Centre’s Homenetmen-Gamk gym.

Unlike any other event in Canada, the festival offers an array of free activities, including dancing, musical shows, along with creative workshops and cooperative games. The kids who participate are guaranteed to be entertained and enjoy free indoor and craft activities.

The festival committee combined the excitement of all the arts in a spectacle format with interactive, innovative activities to engage and delight throughout the day.

Next year, the Festival will take place in February 2016. Don’t miss out!

ՄԱՆՈՒԿՆԵՐՈՒ ՓԱՌԱՏՕՆԸ՝
ժամադրավայրը հայ երեխային ու պատանիյին

Հովանաւորութեամբ Թեմիս Առաջնորդ Տ. Մեղրիկ Սրբ. Եպկ. Բարիքեանի եւ Ազգային Վարչութեան, կազմակերպութեամբ Գանատայի Հայոց Թեմի Ազգային Առաջնորդարանի Հայեցի Դաստիարակութեան Խորհուրդին ու Մանուկներու Փառատօնի յանձնախումբին, Շաբաթ, 21 Փետրուար 2015-ին, Մոնթրէալի ՀՄԸՄ-Կամք մարզասրահին մէջ, տեղի ունեցաւ աւանդութիւն դարձած Բարեկենդանի նուիրուած մանուկներու փառատօնը, որ այս տարի կը զուգադիպէր Հայոց Ցեղասպանութեան 100-ամեակին։

Սոյն նախաձեռնութեան կը մասնակցին Մեծն Մոնթրէալի մէջ գործող եկեղեցիները, միութիւնները եւ կազմակերպութիւնները, ինչպէս նախորդ տարիներուն, այս տարի եւս, փառատօնին իրենց մասնակցութիւնը բերին Ս. Յակոբ եւ Ս. Գէորգ եկեղեցիներու Կիրակնօրեայ դպրոցները, Ս. Յակոբ Առաջնորդանիստ Մայր եկեղեցւոյ Շաբաթօրեայ վարժարանն ու Արարատ ճամբարը։ ՀՕՄ-ի «Շուշի» եւ «Սօսէ» մասնաճիւղերը, Համազգայինի Սանահին մասնաճիւղը իր գրատարածով եւ Պատմութեան ժամով, ՀՅԴ Գանատայի Պատանեկան Միութեանց Լաւալի եւ Մոնթրէալի մասնաճիւղերը, ՀՄԸՄ-ի սկաուտներն ու ֆանֆարը։

5-12 տարեկան մանուկներուն ու պատանիներուն համար կազմակեր-պուած էր մանկական թատերական ներկայացում մը նուիրուած Կոմիտաս վարդապետին, բեմադրութեամբ տիկին Վարսիկ Պանիրեանին։ Ձեռային աշխատանքներու կրպակները նուիրուած էին հետեւեալ թեմաններուն` «Կը յիշեմ», «Կը ծաղկիմ», «Հայաստանը սրտիս մէջ», «Հայկական խոհանոց», «Հայկական շապիկներու պատրաստութիւն», եւ շատ մը այլ հետաքրքրական խաղեր եւ աշխատանքներ։

Նկատի ունենալով, որ այս տարուան փառատօնը կը զուգադիպէր Հայոց Ցեղասպանութեան 100-ամեակին, պատանիները շինեցին կակաչներ եւ ՀՄԸՄ «Կամք» մասնաճիւղի ֆանֆարին ղեկավարութեամբ, զանոնք զետեղեցին Ս. Յակոբ Ազգային Վարժարանի աշակերտներուն կողմէ կառուցուած Ծիծեռնակաբերդին դիմաց։

Մանկական Փառատօնը, իր իւրայատկութեամբ, այս տարի եւս մեծ յաջողութիւն արձանագրեց՝ քով-քովի բերելով աւելի քան 300 հայ մանուկներ, շնորհելով գեղեցիկ առիթը հպարտանալու իրենց հայկական ինքնութեամբ եւ զանզան ձեռային աշխատանքներու եւ խաղերու միջոցաւ ծանօթանալու հայկական մշակոյթի հարստութեան։

Ազգային Առաջնորդարանը այս առիթով իր շնորհակալութիւնը կը յայտնէ բոլոր կամաւորներուն, ծնողներուն եւ երեխաներուն, որոնք քաջալերեցին այս նախաձեռնութիւնը եւ իրենց մասնակցութեամբ յաջողութեամբ պսակեցին փառատօնը։

Sisiter ORG’s gathering – February 16, 2015

28. February, 2015NewsNo comments

Գանատայի Հայոց Թեմի Առաջնորդ Գերաշնորհ Տ. Մեղրիկ Սրբ. Եպկ. Բարիքեանի եւ Ազգային Վարչութեան հրաւէրով, Երկուշաբթի, 16 Փետրուար 2015-ի երեկոյեան, Ազգային Առաջնորդարանի դահլիճէն ներս տեղի ունեցաւ հանդիպում մը Գանատայի Շրջանային Վարչութիւններուն հետ։

Սոյն հաւաքին մասնակցեցան Հ.Յ.Դ. Գանատայի Կեդրոնական Կոմիտէն, Հ.Մ.Ը.Մ.–ի, Հ.Օ.Մ.-ի եւ Համազգայինի Շրջանային Վարչութիւնները, Հ.Յ.Դ.Գ.Ե.Մ.-ի Կեդրոնական Վարչութիւնը ինչպէս նաեւ Առաջնորդարանիս հովանիին տակ գործող բոլոր Խորհուրդները։

Ազգային Վարչութեանս Ատենապետ՝ պարոն Գրիգոր Տէր Ղազարեանի բարի գալուստի խօսքէն ետք՝ այս մտերմիկ հանդիպման ընթացքին իւրաքանչիւր մարմնի ներկայացուցիչ զեկուցեց իր կազմակերպութեան նախաձեռնութիւններուն մասին, որոնցմէ ետք Առաջնորդ Սրբազան Հայրը իր բարեմախտութիւնները փոխանցեց եւ գնահատեց իւրաքանչիւրին ներդրումը մեր Գանատայի Հայոց Թեմի կեանքէն ներս: Հանդիպումի աւարտին տեղի ունեցաւ հիւրասիրութիւն եւ գաղափարներու փոխանակում։

Lsaran

13. February, 2015NewsNo comments

 Download PDF

 

 

Karnanayin Jampar

13. February, 2015NewsNo comments

Գանատայի Ազգային Առաջնորդարանի
Գարնանային ճամբարի
նախապատրաստական աշխատանքները սկսան

Գանատայի Ազգային Առաջնորդարանի Հայեցի եւ Քրիստոնէական Դաստիարակութեան Խորհուրդներուն կազմակերպութեամբ` 2-6 Մարտ, 2015-ին, Ս. Յակոբ Ազգային վարժարանէն ներս Գանատայի Ազգային Առաջնորդարանի Գարնանային ճամբարը պիտի բանայ իր դռները 5-12 տարեկան երեխաներուն եւ պատանիներուն համար, որպէսզի անոնք իրենց ձմեռնային արձակուրդը անցնեն հաճելի, ապահով եւ հայկական միջավայրի մը մէջ ու պատրաստ ըլլան գարունը դիմաւորելու ուրախութեամբ, կենսունակ ժպիտով ու գիտելիքներով հարստացած:

Անսալով մեր գաղութի կարիքներուն, գարնանային ճամբարը միջոց մըն է նաեւ օգտակար հանդիսանալու բոլոր այն ծնողներուն, որոնք կը փափաքին իրենց երեխաներուն եւ պատանիներուն արձակուրդը վստահիլ փորձառու մանկավարժներու ու պատրաստուած վարիչներու հսկողութեան եւ խնամքին։

Ճամբարը մէկ շաբթուան ընթացքին ձեր զաւակներուն պիտի պարգեւէ անմոռանալի ուրախ պահեր, մարզական, արուեստի, ընկերային եւ դաստիարակչական խաղերու եւ ձմեռնային ժամանցային վայրերու այցելութեանց ընդմէջէն:

Արձանագրութիւններու եւ յաւելեալ մանրամասնութիւններու համար դիմել Ազգային Առաջնորդարան, հեռաձայնելով 514-856-1200 թիւին:

Վստահեցէ՛ք ձեր զաւակները մեզի եւ գոհ պիտի մնաք:

Art Competition

7. February, 2015NewsNo comments

Archives