Abba Matias

17. March, 2015NewsNo comments

ԱՌԱՋՆՈՐԴ ՍՐԲԱԶԱՆ ՀԱՅՐԸ ԸՆԴՈՒՆԵՑ
ԳԱՆԱՏԱՅԻ ՄԷՋ ԵԹՈՎՊԻՈՅ ՈՒՂՂԱՓԱՌ
ԵԿԵՂԵՑՒՈՅ ԱՌԱՋՆՈՐԴԸ

Երեքշաբթի, 10 Մարտ 2015-ի առաւօտեան ժամը 10։30-ին, Թորոնթոյի “Ս. Աստուածածին” եկեղեցւոյ Հոգեւոր Հովիւի գրասենեակէն ներս, Տիրախնամ Թեմիս Առաջնորդ՝ Գերշ. Տ. Մեղրիկ Սրբ. Եպս. Բարիքեան անակնկալ հանդիպում մը ունեցաւ Գանատայի մէջ Եթովպիոյ Ուղղափառ Եկեղեցւոյ Առաջնորդ՝ Ապպա Մաթիաս Տեսթա Եպս.ը, ընկերակցութեամբ Ապպա Հալիա Մարիամ Հայր Սուրբին։
Երկու Առաջնորդ Սրբազան Հայրերը անդրադարձան Միջին Արեւելքը յուզող հարցերուն։ Ապպա Մաթիաս Եպիսկոպոսը Թեմակալ Առաջնորդէն խնդրեց Մոնթրէալի մէջ իրենց նոր կազմուող համայնքին օգտակար դառնալու։

Prelate – Holy Week Schedule 2015

17. March, 2015NewsNo comments

ԺԱՄԱՆԱԿԱՑՈՅՑ
ԱՌԱՋՆՈՐԴ ՍՐԲԱԶԱՆ ՀՕՐ
ԾԱՂԿԱԶԱՐԴԻ, ԱՒԱԳ ՇԱԲԹՈՒԱՆ ԵՒ Ս. ՅԱՐՈՒԹԵԱՆ ՏՕՆԵՐՈՒ

Շաբաթ, 28 Մարտ, 2015
ՏՕՆ ՂԱԶԱՐՈՒ ՅԱՐՈՒԹԵԱՆ
Առաջնորդ Սրբազան Հայրը պիտի հանդիսապետէ Ս. Յակոբ Մայր Եկեղեցւոյ արարողութեանց.-
– Գիշերային եւ Առաւօտեան Ժամերգութիւն, առաւօտեան ժամը 9:00-ին։
– Կիրակնամուտքի Ժամերգութիւն, երեկոյեան ժամը 5։00-ին։

Կիրակի, 29 Մարտ, 2015
ԾԱՂԿԱԶԱՐԴ
Տեառն մերոյ Յիսուսի Քրիստոսի հրաշափառօրէն Երուսաղէմ Մուտքի՝ Ծաղկազարդի տօնին առիթով, Սուրբ Գէորգ Եկեղեցւոյ մէջ պիտի Պատարագէ եւ Քարոզէ
ԳԵՐՇ. Տ. ՄԵՂՐԻԿ ՍՐԲԱԶԱՆ ԵՊԻՍԿՈՊՈՍ ԲԱՐԻՔԵԱՆ
Առաջնորդ Գանատայի Հայոց Թեմին
Ս. Պատարագ, կէսօրուան ժամը 12։00-ին։
Մանուկներու թափօր, յետմիջօրէի ժամը 1։30-ին։

Կիրակի, 29 Մարտ, 2015
ԴՌՆԲԱՑԷՔ
Ս. Յակոբ Մայր Եկեղեցւոյ մէջ, Դռնբացէքի արարողութիւն պիտի հանդիսապետէ եւ քարոզէ Առաջնորդ Սրբազան Հայրը, յետմիջօրէի ժամը 4։00-ին։

Աւագ Երկուշաբթի, 30 Մարտ, 2015
(Յիշատակն է՝ Անպտուղ Թզենիին, Արարչութեան եւ Մարդուն Ստեղծման)
Առաջնորդ Սրբազան Հայրը պիտի հանդիսապետէ
Ս. Յակոբ Մայր Եկեղեցւոյ արարողութեանց.-
Գիշերային եւ Առաւօտեան Ժամերգութիւն, առաւօտեան ժամը 9։00-ին։
Երեկոյեան Ժամերգութիւն, երեկոյեան ժամը 7։00-ին։

Աւագ Երեքշաբթի, 31 Մարտ, 2015
(Յիշատակն է՝ Տասը Կոյս»րուն եւ Վերջին Դատաստանին)
Առաջնորդ Սրբազան Հայրը պիտի հանդիսապետէ
Ս. Յակոբ Մայր Եկեղեցւոյ արարողութեանց իսկ երեկոյեան պիտի Քարոզէ.-
Գիշերային եւ Առաւօտեան Ժամերգութիւն, առաւօտեան ժամը 9։00-ին։
Երեկոյեան Ժամերգութիւն, երեկոյեան ժամը 7։00-ին։

Աւագ Չորեքշաբթի, 1 Ապրիլ, 2015
(Յիշատակն է՝ Յուդայի կողմէ՝ Քրիստոսի Մատնութեան)
Առաջնորդ Սրբազան Հայրը պիտի հանդիսապետէ
Ս. Յակոբ Մայր Եկեղեցւոյ արարողութեանց.-
Գիշերային եւ Առաւօտեան Ժամերգութիւն, առաւօտեան ժամը 9։00-ին։
Երեկոյեան Ժամերգութիւն, երեկոյեան ժամը 7։00-ին։

Աւագ Հինգշաբթի, 2 Ապրիլ, 2015
(Յիշատակն է՝ Վերջին Ընթրիքին եւ Ոտնլուային)
Առաջնորդ Սրբազան Հայրը պիտի հանդիսապետէ
Ս. Յակոբ Մայր Եկեղեցւոյ արարողութեանց.-
Կարգ Ապաշխարողաց, առաւօտեան ժամը 9։30-ին։
Երեկոյեան Ժամերգութիւն, առաւօտեան ժամը 10։00-ին։
Ս. Պատարագ, առաւօտեան ժամը 11։00-ին։

Աւագ Հինգշաբթի, 2 Ապրիլ, 2015
Ս. Յակոբ Մայր Եկեղեցւոյ մէջ Ոտնլուայի արարողութիւնը պիտի կատարէ եւ քարոզէ Առաջնորդ Սրբազան Հայրը
Յետմիջօրէի ժամը 5։00-ին։

Աւագ Հինգշաբթի, 2 Ապրիլ, 2015
Ս. Գէորգ Եկեղեցւոյ մէջ, Խաւարման արարողութեան պիտի հանդիսապետէ եւ քարոզէ Առաջնորդ Սրբազան Հայրը
Երեկոյեան ժամը 9։00-ին։

Աւագ Ուրբաթ, 3 Ապրիլ, 2015
(Յիշատակն է՝ Քրիստոսի Ձերբակալութեան, Դատավարութեան, Խաչելութեան,
Մահուան եւ Թաղման)
Սուրբ Աստուածածին Եկեղեցւոյ մէջ, Խաչելութեան Կարգին պիտի հանդիսապետէ Առաջնորդ Սրբազան Հայրը Առաւօտեան ժամը 9։00-ին։

Աւագ Ուրբաթ, 3 Ապրիլ, 2015
Սուրբ Աստուածածին Եկեղեցւոյ մէջ, Թաղման Կարգին պիտի հանդիսապետէ եւ քարոզէ Առաջնորդ Սրբազան Հայրը յետմիջօրէի ժամը 3։30-ին։

Աւագ Շաբաթ, 4 Ապրիլ, 2015
(ՃՐԱԳԱԼՈՅՑ Ս. ՅԱՐՈՒԹԵԱՆ)
Սուրբ Աստուածածին Եկեղեցւոյ մէջ, առաւօտեան ժամերգութեանց պիտի հանդիսապետէ Առաջնորդ Սրբազան Հայրը, առաւօտեան Ժամը 9։00-ին։

Աւագ Շաբաթ, 4 Ապրիլ, 2015
Տեառն մերոյ Յիսուսի Քրիստոսի Ս. Յարութեան տօնին առիթով, Ճրագալոյցի Երեկոյեան, Սուրբ Աստուածածին Եկեղեցւոյ մէջ պիտի Պատարագէ եւ Քարոզէ
ԳԵՐՇ. Տ. ՄԵՂՐԻԿ ՍՐԲԱԶԱՆ ԵՊԻՍԿՈՊՈՍ ԲԱՐԻՔԵԱՆ
Առաջնորդ Գանատայի Հայոց Թեմին
Սկիզբ Ժամերգութեան, յետմիջօրէի ժամը 4։00-ին։
Սուրբ Գիրքերէն ընթերցում, յետմիջօրէի ժամը 4։30-ին։
Սուրբ Պատարագ, Երեկոյեան ժամը 5։30-ին։
Ս. Պատարագի աւարտին, իրիկուան ժամը 8։00-9։00, Առաջնորդ Սրբազան Հայրը պիտի ընդունի Ս. Յարութեան շնորհաւորութիւններ, Եկեղեցւոյ Ներքնասրահին մէջ։

Կիրակի, ՍՈՒՐԲ ԶԱՏԻԿ, 5 Ապրիլ, 2015
(ՅԻՇԱՏԱԿ ՅԱՐՈՒԹԵԱՆ ՏԵԱՌՆ ՄԵՐՈՅ ՅԻՍՈՒՍԻ ՔՐԻՍՏՈՍԻ)
Տեառն մերոյ Յիսուսի Քրիստոսի Յարութ»ան տօնին առիթով, Սուրբ Յակոբ Առաջնորդանիստ Մայր Եկեղեցւոյ մէջ պիտի Պատարագէ եւ Քարոզէ
ԳԵՐՇ. Տ. ՄԵՂՐԻԿ ՍՐԲԱԶԱՆ ԵՊԻՍԿՈՊՈՍ ԲԱՐԻՔԵԱՆ
Առաջնորդ Գանատայի Հայոց Թեմին
Սկիզբ Ժամերգութ»ան, առաւօտեան ժամը 9։00-ին։
Սուրբ Պատարագ, առաւօտեան ժամը 10։30-ին։

Ս. Պատարագի աւարտին, Առաջնորդ Սրբազան Հայրը պիտի ընդունի
Ս. Յարութեան շնորհաւորութիւններ, Ազգային Առաջնորդարանի Դահլիճին մէջ.
յընթացս ընդունելութեան, Արուեստագէտ-Քանդակագործ՝ Եւգինէ Եփրեմեան Տը Կրէֆ, Հայոց Ցեղասպանութեան 100-Ամեակին առիթով, Ազգային Առաջնորդարանին պիտի նուիրէ Կոմիտաս Վարդապետ Սողոմոնեանի քանդակը։

Երկուշաբթի, 6 Ապրիլ, 2015
Տեառն մերոյ Յիսուսի Քրիստոսի Ս. Յարութեան տօնին առիթով, Ննջեցելոց Յիշատակին նուիրուած Սուրբ Պատարագ Պիտի մատուցուի Ս. Յակոբ Մայր Եկեղեցւոյ մէջ, հանդիսապետութեամբ՝ Առաջնորդ Սրբազան Հօր, առաւօտեան ժամը 8։00-ին։

* * *
ԾԱՂԿԱԶԱՐԴԻ, ԱՒԱԳ ՇԱԲԹՈՒԱՆ ԵՒ Ս. ՅԱՐՈՒԹԵԱՆ ՊԱՏԱՐԱԳՆԵՐ
ԹԵՄԻՍ ԵԿԵՂԵՑԻՆԵՐՈՒՆ ՄԷՋ

Տեառն մերոյ Յիսուսի Քրիստոսի Ս. Յարութեան տօներուն առիթով, Թեմիս Եկեղեցիներուն մէջ պիտի մատուցուին Սուրբ եւ Անմահ Պատարագներ եւ կատարուին հանդիսաւոր արարողութիւններ, ձեռամբ՝ Թեմիս մէջ ծառայող Միաբան Հայրերուն.-

Ս. ՅԱԿՈԲ ԱՌԱՋՆՈՐԴԱՆԻՍՏ ՄԱՅՐ ԵԿԵՂԵՑԻ
ԾԱՂԿԱԶԱՐԴ
Գերշ. Տ. Սուրէն Սրբազան Արքեպիսկոպոս Գաթարոյեան (Պատարագիչ եւ քարոզիչ)

ԽԱՒԱՐՈՒՄ
Գերշ. Տ. Սուրէն Սրբազան Արքեպիսկոպոս Գաթարոյեան (Հանդիսապետ եւ քարոզիչ)

ԿԱՐԳ ԹԱՂՄԱՆ
Գերշ. Տ. Սուրէն Սրբազան Արքեպիսկոպոս Գաթարոյեան (Հանդիսապետ եւ քարոզիչ)

Ս. ԳԷՈՐԳ ՀԱՅՑ. ԱՌԱՔ. ԵԿԵՂԵՑԻ
ՈՏՆԼՈՒԱՅ
Գերշ. Տ. Սուրէն Սրբազան Արքեպիսկոպոս Գաթարոյեան (Հանդիսապետ եւ քարոզիչ)

ԶԱՏԻԿ-ՏՕՆ Ս. ՅԱՐՈՒԹԵԱՆ
Գերշ. Տ. Սուրէն Սրբազան Արքեպիսկոպոս Գաթարոյեան (Պատարագիչ եւ քարոզիչ)

Ս. ԱՍՏՈՒԱԾԱԾԻՆ ՀԱՅՑ. ԱՌԱՔ. ԵԿԵՂԵՑԻ
ԾԱՂԿԱԶԱՐԴ
Գերշ. Տ. Խաժակ Սրբազան Արքեպիսկոպոս Յակոբեան (Պատարագիչ եւ քարոզիչ)

Ս. ՆՇԱՆ ՀԱՅՑ. ԱՌԱՔ. ԵԿԵՂԵՑԻ
ԾԱՂԿԱԶԱՐԴ
Հոգշ. Տ. Վարդան Աբ»ղայ Թաշճեան (Պատարագիչ եւ քարոզիչ)

ԽԱՒԱՐՈՒՄ
Հոգշ. Տ. Վարդան Աբեղայ Թաշճեան (քարոզիչ)

ԿԱՐԳ ԹԱՂՄԱՆ
Հոգշ. Տ. Վարդան Աբեղայ Թաշճեան (քարոզիչ)

Ս. ԳՐԻԳՈՐ ԼՈՒՍԱՒՈՐԻՉ ՀԱՅՑ. ԱՌԱՔ. ԵԿԵՂԵՑԻ
ԶԱՏԻԿ-ՏՕՆ Ս. ՅԱՐՈՒԹԵԱՆ
Գերշ. Տ. Խաժակ Սրբազան Արքեպիսկոպոս Յակոբեան (Պատարագիչ եւ քարոզիչ)

«Զատիկը իմ աչքերովս» Մրցանք

17. March, 2015NewsNo comments

«Զատիկը իմ աչքերովս» Մրցանք

Գանատայի Հայոց Թեմի Քրիստոնէական Դաստիարակութեան Խորհուրդի կազմակերպութեամբ, Շաբաթ, 14 Մարտ 2015-ին, տեղի ունեցաւ մանկապատանեկան արուեստի մրցանք՝ «Զատիկը իմ աչքերովս» խորագրով։

Մրցանքին իրենց մասնակցութիւնը բերին Մոնթրէալի, Լաւալի եւ Վանգուվըրի քաղաքներէն մանուկներ ու պատանիներ 5-7, 8-10, 11-12 տարիքներու բաժանումով։

Առաջին հանդիսացան եւ արժանացան Առաջնորդարանի «Աստուածաշունչի Ճամբար-Bible Camp»ի մասնակցութեան եւ Մանկական Աստուածաշունչի.-
Թալին Խաշընձեան
Լիանա Դանիլեան
Ժոագիմ Մարգարեան

Երկրորդ hանդիսացան եւ արժանացան արուեստի դասընթացքի տիկին Սիլվա Խաչերեանին հետ եւ Մանկական Աստուածաշունչի.-
Մելանի Քէպապճեան
Նարէ Զոհրապեան
Անի Քէհեաեան

Երրորդ hանդիսացան եւ արժանացան գծագրութեան պիտոյքներու եւ Մանկական Աստուածաշունչի .-
Լորա Քէհեաեան
Լարա Թերզեան
Գարմէն Պարսեմեան

Spring Camp

7. March, 2015NewsNo comments

Ազգային Առաջնորդարանի Քրիստոնէական եւ Հայեցի Դաստիարակութեան Խորհուրդներու կազմակերպած Գարնանային ճամբարը հասաւ իր աւարտին։
Կը մաղթենք, որ Բոլոր մասնակցիները առաւել աշխոյժութեամբ եւ ուրախութեամբ կը վերադառնան իրենց դպրոցները։ Իսկ Ճամբարի ընդհանուր պատասխանատու օրիորդ Մարի Օհաննէսեանին եւ բոլոր վարիչներուն՝ խորին շնորհակալութիւն։

Archives