Prelate visits Vancouver March 21-25, 2015

17. April, 2015NewsNo comments

Առաջնորդ Սրբազան Հայրը այցելեց Վանգուվըր

20-25 Մարտ 2015, Առաջնորդ Սրբազան Հայրը, գտնուեցաւ Վանգուվըր վեցօրեայ այցելութեամբ:

Այցելութեան ընթացքին, Սրբազան Հայրը յաջորդաբար այցելեց գաղութի երախտարժան տարեց սերունդի անդամները, Mountain View գերեզմանոցի Հայոց Ցեղասպանութեան Յուշարձանը, ներկայ գտնուեցաւ ՀՅԴ Պատանեկանի կազմակերպած գեղարուեստական յայտագրին, քաջալերեց նաեւ Երիտասարդացի անդամները որպէսզի Վանգուվըրի համայնքի ապագան այսօր կազմակերպեն:

Վանգուվըրի Ս. Գրիոր Լուսաւորիչ Եկեղեցւոյ անուանակոչութեան տօնին առիթով եւ ներկայութեամբ մեծաթիւ հաւատացեալներու մատուցուեցաւ հանդիսաւոր Սուրբ եւ Անմահ Պատարագ: Սուրբ Պատարագի ընթացքին տեղի ունեցաւ նաեւ ձեռնադրութիւններու շարք մը: Ա.- Դպրութեան աստիճան ստացան պատանիներ՝ Արէք Պէշտիքեանն ու Սիմոն Պախչէճեանը: Բ.- Կիսասարկաւագութեան աստիճան ստացաւ Բժիշկ Գրիգոր Պէպէճեանը: Գ.- Սարկաւագութեան աստիճանին բարձրացաւ Տիրացու Արա Պաղամեանը:

Մանրամասնութիւնները կարդալ.-http://www.stgregorychurch.ca/2015/03/20/visit-of-h-g-bish-meghrig-parikian/

Prelate received Bishop Casian

17. April, 2015NewsNo comments

Առաջնորդ Սրբազան Հայրը ընդունեցաւ Եպիսկոպոս Քասին

Չորեքշաբթի 1 Ապրիլ 2015-ի առաւօտուն, Գանատայի Հայոց Թեմի Առաջնորդ Սրբազան Հայրը ընդունեցաւ Ռումանիոյ Ուղղափառ Եկեղեցւոյ Հիւսիսային Ամերիկայի Առաջնորդական Փոխանորդ՝ Տ. Իյօն Քասին Եպիսկոպոսն ու Canadian Centre for Ecumenism-ի Տնօրէնուհի՝ Ատրիանա Պարան։

Սրբազաններու մտերմիկ զրոյցը կեդրոնացած էր երկու եկեղեցիներու յարաբերութեան եւ համագործակցութեան նիւթին շուրջ. ինչպէս նաեւ առիթ մը եղաւ ակնարկ մը նետելու Հայոց Ցեղասպանութեան 100-ամեակին առիթով տեղի ունենալիք ձեռնարկներուն եւ նախաձեռնութիւններուն։

De Greff Sculpture April 5, 2015

17. April, 2015NewsNo comments

ՍՈՒՐԲ ԶԱՏԻԿ
ՅԻՇԱՏԱԿ ՅԱՐՈՒԹԵԱՆ
ՏԵԱՌՆ ՄԵՐՈՅ ՅԻՍՈՒՍԻ ՔՐԻՍՏՈՍԻ
5 ԱՊՐԻԼ 2015

Ս. Պատարագի աւարտին, Առաջնորդ Սրբազան Հայրը ընդունեցաւ Ս. Յարութեան շնորհաւորութիւններ, Ազգային Առաջնորդարանի Դահլիճին մէջ։

Յընթացս ընդունելութեան Արուեստագէտ-Քանդակագործ Տիկին Եւգինէ Եփրեմեան Տը Կրէֆ, Հայոց Ցեղասպանութեան 100-ամեակին առիթով, Ազգային Առաջնորդարանին նուիրեց Կոմիտաս Վարդապետ Սողոմոնեանի քանդակը։

Archives