ԱՌԱՋՆՈՐԴ ՍՐԲԱԶԱՆ ՀԱՅՐԸ ԳԷՄՊՐԻՃԻ ՄԷՋ

23. September, 2015NewsNo comments

ԱՌԱՋՆՈՐԴ ՍՐԲԱԶԱՆ ՀԱՅՐԸ ԳԷՄՊՐԻՃԻ ՄԷՋ

Շաբաթ, 5  Սեպտեմբեր 2015-ին Գէմպրիճի մէջ նշուեցան Ս. Խաչի տօնն ու տեղի ունեցաւ Մուսա Տաղի հերոսամարտիկներուն նուիրուած մատաղի օրհնութիւն։ Առ այդ, Շաբաթ երեկոյեան, Գանատայի Հայոց Թեմի Առաջնորդ՝ Գերաշնորհ Տ. Մեղրիկ Սրբ. Եպս. Բարիքեան, դիմաւորուեցաւ Գէմպրիճի «Ս. Նշան» Հայց. Առաքելական եկեղեցւոյ Հոգեւոր Հովիւ՝ Հոգշ. Տ. Գեղարդ Վրդ. Քիւսպէկեանի, Ազգային Վարչութեան անդամ՝ պրն. Մայք Թիթիզեանի եւ եկեղեցւոյս Հոգաբարձութեան անդամներուն կողմէ։

Կիրակի, 6 Սեպտեմբեր 2015-ի առաւօտեան ժամը, Ս. Խաչի տօնին առիթով, Գէմպրիճի Հայ Կեդրոնի սրահէն ներս մատուցուեցաւ Եպիսկոպոսական հանդիսաւոր Սուրբ եւ Անմահ Պատարագ, ջրօրհնէքի հանդիսաւոր արարողութիւն` նկատի ունենալով Մեծի Տանն Կիլիկիոյ Կաթողիկոսութեան Անթիլիասի Մայրավանքէն բերուած էր նոր Միւռոն, ինչպէս նաեւ մատաղի օրհնութիւն։

Ս. եւ Անմահ Պատարագէն անմիջապէս ետք, Մուսա Տաղի հերոսամարտիկներու յուշարձանին առջեւ տեղի ունեցաւ մատաղի ու ռեհանի օրհնութիւն։ Աւարտին, երգուեցաւ «Կիլիկիա» մաղթերգը։

FEAST OF THE EXALTATION OF THE HOLY CROSS

23. September, 2015NewsNo comments

Խաչվերաց
Այս տարի 13 Սեպտեբերին պիտի նշենք Ս. Խաչվերացի տօնը։ Խաչվերացը հայ եկեղեցւոյ հինգ տաղաւար տօներէն վերջինն է։ Խաչի նուիրուած տօներէն ամենակարեւորն է, որովհետեւ Ս. Խաչին գերութեան տարուելուն ու վերստին վերադարձնելու հրաշապատում դէպքին յիշատակումն է։
Հայաստանեայց Եկեղեցին խաչվերացը կը տօնէ Սեպտեմբեր 11-17ի հանդիպող կիրակիներուն շրջանին, այսինքն շարժական տօն է։
Սուրբ Խաչը  կը տօնուի ի յիշատակ Տիրոջ խաչափայտին պարսկական գերութենէն Երուսաղէմ վերադարձին եւ Գողգոթայի վրայ կանգնեցման «վերացման»։

KHATCHVERATS
At the beginning of the seventh century, Jerusalem was conquered by Persia (modern day Iran). The Persians burned the Church of the Resurrection and plundered the Holy Cross.
Around 628 AD the Byzantine Emperor Heraclius, leading a coalition of forces including Armenian soldiers, marched against the Persians, defeated them and recovered the Holy Cross.
On its way back to Jerusalem, the Cross passed throughout Armenia held up high for all to see. It stopped at Garin (Erzeroom) and continued its way to Constantinople. The commemoration of this event started as the Feast of Khatchverats.
The Armenians participated in the struggles and victory for the recovery of the Holy Cross. The transportation of the Holy Cross over Armenian lands a blessed event. This year The Armenian Church will mention the event on September the 13rt.

Sunday School 2015 PR

23. September, 2015NewsNo comments

Գանատայի Հայոց Թեմի Կիրակնօրեայ Դպրոցներու
Միօրեայ սեմինար

«Ձգեցէք որ մանուկները ինծի գան,
արգելք մի՛ ըլլաք անոնց,
որովհետեւ այդպիսիներուն է Աստուծոյ Արքայութիւնը»
Մարկոս 10.13-15

Հովանաւորութեամբ Թեմակալ Առաջնորդ Գերաշնորհ Տ. Մեղրիկ Սրբ. Եպկ. Բարիքեանի եւ Ազգային Վարչութեան, Ազգային Առաջնորդարանի Քրիստոնէական եւ Հայեցի Դաստիարակութեան Խորհուրդներու կազմակերպութեամբ եւ համադրութեամբ Հոգեշնորհ Տ. Վարդան Աբղ. Թաշճեանի, տեղի ունեցաւ Կիրակնօրեայ Դպրոցներու կրօնական եւ հայեցի դաստիարակութեան նուիրուած ուսուցիչ-ուսուցչուհիներու միօրեայ աշխատանոց-հաւաք, Շաբաթ, 29 Օգոստոս 2015-ին, առաւօտեան ժամը 9:00-13։00, Առաջնորդարանէն ներս։

Աշխատանոցին իրենց մասնակցութիւնը բերին Ս. Յակոբ Առաջնորդանիստ եւ Ս. Գէորգ Հայց. Առաքելական եկեղեցիներու Կիրակնօրեայ դպրոցներու տնօրէններն ու ուսուցչական կազմերը։

Բացման աղօթքով եւ գնահատական մղիչ խօսքերով աշխատանոցին բացումը կատարեց Հայր Սուրբը, որմէ ետք, ներկայացուց 2015-2016 տարեշրջանի ծրագիրը եւ անոր ամբողջացնող աղբիւրները, դասագիրքերը, Սուրբ գրային խորհրդածութիւն-ները եւ սուրբերն ու ազգային տօները։

Երկրորդ բաժինով, տիկին Սոնիա Գիլէճեան Աճէմեան ներկայացուց այն դասագիրքերը, որոնք պիտի գործածուին մեր դպրոցներէն ներս եւ դասաւանդման՝ «գաղտնիք»ները։ Երրորդ բաժնով, տիկին Սեմալին Պէքարեան Չօգագլեան ներակայացուց սաղմոսներ դասաւանդելու արդիական միջոցները։

His Grace Bishop Meghrig Parikian visits

23. September, 2015NewsNo comments

His Holiness Patriarch Moran Mor Ignatius Aphrem II in Toronto

ԱՌԱՋՆՈՐԴ ՍՐԲԱԶԱՆ ՀԱՅՐԸ ԿԸ ՏԵՍԱԿՑԻ
ԱՍՈՐԻ ՈՒՂՂԱՓԱՌ ԵԿԵՂԵՑՒՈՅ ՊԱՏՐԻԱՐՔԻՆ ՀԵՏ

Երկուշաբթի, 31 Օգոստոս 2015-ի կէսօրուան ժամը 12։00-ին, Թորոնթոյի Hilton Պանդոկին մէջ, Գանատայի Հայոց Տիրախնամ Թեմի Առաջնորդ՝ Գերշ. Տ. Մեղրիկ Ս. Եպս. Բարիքեան տեսակցութիւն մը ունեցաւ Ասորի Ուղղափառ Եկեղեցւոյ Պատրիարք` Ն.Ս. Իգնատիոս Աֆրաբ Բ.ի հետ։ Սոյն տեսակցութեան Առաջնորդ Սրբազան Հօր կ’ընկերանային Թորոնթոյի “Ս. Աստուածածին” եկեղեցւոյ Հոգեւոր Հովիւ՝ Հոգշ. Տ. Ստեփանոս Վրդ. Փաշայեան, Թորոնթոյի “Ս. Աստուածածին” եկեղեցւոյ Ծխատէր՝ Արժ. Տ. Կոմիտաս Աւ. Քհնյ. Փանոսեան եւ Տիար Յարութ Սիփան Սարգիսեան։

Առաջնորդ Սրբազան Հայրը առաջին հերթին, Նորին Սրբութեան փոխանցեց Մեծի Տանն Կիլիկիոյ Ս. Աթոռի Գահակալ՝ Ն.Ս.Օ.Տ.Տ. Արամ Ա. Վեհափառ Հայրապետի ողջոյններն ու բարեմաղթութիւնները։ Այս առիթով Պատրիարք Հօր փափաքով, Առաջնորդ Սրբազան Հայրը ներկայացուց վերջերս դէպի Կիլիկիա կատարուած ուխտաւորութեան եւ Վեհափառ Հօր այդ առիթով գրուած Պատգամը։ Ան շնորհաւորեց Ասորի նորակառոյց եկեղեցւոյ օծումը ձեռամբ Պատրիարք Հօր եւ այս առիթով եկեղեցւոյ նուիրեց խորանի արծաթեայ կանթեղ մը, իսկ Պատրիարք Հօր նուիրեց յատուկ կերպով պատրաստուած թանկարժէք ձեռնակոճակ մը (Cufflinks): Տեսակցութեան աւարտին, Պատրիարք Հօր փափաքով, Առաջնորդ Սրբազան Հայրն ու պատուիրակութիւնը ճաշի հիւրը եղան։

Շուրջ 3 ժամ տեւողութեամբ տեսակցութեան ընթացքին, անոնք արծարծեցին Հայոց Ցեղասպանութեան, Սուրիական Sayfo-ի մասին եւ Գանատայի մէջ Ասորի եւ Հայ եկեղեցիներու առաւել գործակցութեան շուրջ։ Նշենք որ ներկայ էին Ասորի Ուղղափառ եկեղեցւոյ Գանատայի Առաջնորդ՝ Գերշ. Տ. Աթանասիոս Էլիա Պահի Եպս.ը, Պատրիարք Հօր Քարտուղար՝ Գերշ. Տ. Տիմոթէոս Մաթթա Ալ-Խուրի Եպս.ը, Հոգշ. Տ. Քրիլլոս Պապի Վրդ.ն ու Հոգշ. Տ. Ժագ Եագուպ Վրդ.ը։

Archives