ՀԱՂՈՐԴԱԳՐՈՒԹԻՒՆ ՀՐԱԺԱՐԱԿԱՆ ԹԵՄԱԿԱԼ ԱՌԱՋՆՈՐԴԻ ԱՌՈՂՋԱԿԱՆ ՊԱՏՃԱՌՈՎ

21. December, 2015NewsNo comments

ՀԱՂՈՐԴԱԳՐՈՒԹԻՒՆ
ՀՐԱԺԱՐԱԿԱՆ ԹԵՄԱԿԱԼ ԱՌԱՋՆՈՐԴԻ
ԱՌՈՂՋԱԿԱՆ ՊԱՏՃԱՌՈՎ

Գերաշնորհ Տ. Մեղրիկ Եպս. Բարիքեան 30 Հոկտեմբեր 2015 թուակիր նամակով, առողջական պատճառով հրաժարական ներկայացուց իր Առաջնորդի պաշտօնէն՝ Ազգային Վարչութեանս 11 Նոյեմբեր 2015-ի լիագումար ժողովի աւարտին։ Նախքան այդ, Սրբազան Հայրը դարձեալ 30 Հոկտեմբեր 2015 թուակիր նամակով, իր անձնական հրաժարագիրը արդէն իսկ փոխանցած էր Վեհափառ Հայրապետին։

Գերաշնորհ Տ. Մեղրիկ Եպս. Բարիքեան Թեմակալ Առաջնորդ ընտրուած էր 10 Մայիս 2014-ին, Մոնթրէալի մէջ կայացած Գանատայի Հայոց Թեմի Ազգային Երեսփոխանական Ժողովի Բ. Նիստի ընթացքին:

Ազգային Վարչութեան Կրօնական եւ Քաղաքական Ժողովները հրաժարականին յետս կոչումը խնդրելով հանդերձ, Առաջնորդ Սրբազանը մնաց իր որոշման վրայ։ 20 Նոյեմբեր 2015-ին, Ազգային Վարչութիւնս Սրբազան Հօր հրաժարական նամակը փոխանցեց Ն.Ս.Օ.Տ.Տ. Արամ Ա. Վեհափառ Հայրապետին։

Կը մաղթենք որ Գերաշնորհ Սրբազանը արագ վերագտնէ իր առողջութիւնը եւ կարենայ իր շնորհները ի սպաս դնել Հայաստանեայց Առաքելական Եկեղեցւոյ:

ԴԻՒԱՆ
ԱԶԳԱՅԻՆ ԱՌԱՋՆՈՐԴԱՐԱՆԻ
ԳԱՆԱՏԱՅԻ ՀԱՅՈՑ ԹԵՄԻՆ

Armenia marks 27th anniversary of devastating earthquake

14. December, 2015NewsNo comments

The 1988 Armenian earthquake, also known as the Spitak earthquake occurred in the northern region of Armenia on Wednesday, December 7, 1988 at 11:41 local time.

 

 

 

 

We mourn the death and destruction in Armenia and we pray for those who died in the disaster. May their souls rest in peace, may their families be comforted, and we pray for the living survivors.

Obituary Archpriest Armen Ishkhanian

8. December, 2015NewsNo comments

ՀԱՆԳԻՍՏ

Գանատայի Հայոց Թեմը սրտի դառն կսկիծով կը գուժէ բազմավաստակ Պատուակալ Հովիւ Ս. Յակոբ Առաջնորդանիստ Մայր Եկեղեցւոյ՝ Տ. Արմէն Աւ. Քհնյ. Իշխանեանի վախճանումը, որ պատահեցաւ Ուրբաթ, 27 Նոյեմբեր 2015-ին։

Վախճանեալին համար Սուրբ Պատարագ եւ Վերջին Օծում տեղի պիտի ունենայ Հինգշաբթի, 3 Դեկտեմբեր 2015-ի երեկոյեան ժամը 7.00-ին։ Թաղման կարգը Ուրբաթ, 4 Դեկտեմբեր 2015-ի առաւօտեան ժամը 11.00-ին, Ս. Յակոբ Առաջնորդա-նիստ Մայր Եկեղեցւոյ մէջ։

Այս տխուր առիթով, Թեմիս Առաջնորդ՝ Տ. Մեղրիկ Սրբ. Եպկ. Բարիքեան, Հոգեւորականաց Դասը եւ Ազգային Վարչութեան Կրօնական ու Քաղաքական Ժողովներն ու Խորհուրդները, իրենց խորին ցաւակցութիւնը կը յայտնեն վախճանեալ Տ. Արմէն Աւ. Քհնյ. Իշխանեանի Երեցկնոջ, զաւակներուն եւ հարազատներուն։

«Յիշատակն արդարոյն օրհնութեամբ եղիցի»։

ԴԻՒԱՆ
ԱԶԳԱՅԻՆ ԱՌԱՋՆՈՐԴԱՐԱՆԻ
ԳԱՆԱՏԱՅԻ ՀԱՅՈՑ ԹԵՄԻՆ

Very Rev. Fr. Vartan Tashjian is elevated to the ranks of Priesthood

1. December, 2015NewsNo comments

Հոգշ. Տ. Վարդան Աբղ. Թաշճեան Կը ստանայ
Վարդապետական Գաւազանի Իշխանութիւն

 

Ն.Ս.Օ.Տ.Տ. Արամ Ա. Վեհափառ Հայրապետին օրհնութեամբ եւ տնօրինումով, Շաբաթ, 14 Նոյեմբեր 2015-ին, յետ «Կիրակմուտքի» ժամերգութեան, Ս. Յակոբ Առաջնորդանիստ Մայր Եկեղեցւոյ մէջ տեղի ունեցաւ Մեծի Տանն Կիլիկիոյ Կաթողիկոսութեան Միաբանութեան անդամ՝ Հոգշ. Տ. Վարդան Աբղ. Թաշճեանի Վարդապետական Գաւազանի տուչութեան արարողութեան առաջին բաժինը, ձեռամբ՝ Գանատայի Հայոց Թեմի Անդրանիկ Առաջնորդ Գերշ. Տ. Խաժակ Սրբ. Արք. Յակոբեանի եւ խարտաւիլակութեամբ՝ Գանատայի Հայոց Թեմի Առաջնորդ Գերշ. Տ. Մեղրիկ Սրբ. Եպկ. Բարիքեանի։

Ձեռնադրիչ Սրբազանը՝ Գերշ. Տ. Խաժակ Սրբ. Արք. Յակոբեան շարականի երգեցողութեամբ առաջնորդուեցաւ Մայր Եկեղեցւոյ ատեանը եւ խարտաւիլակին՝ Գերշ. Տ. Մեղրիկ Սրբ. Եպկ. Բարիքեանի միջնորդութեամբ կատարեց ընծայեալ աբեղային հաւատքի քննութիւնը: Ան նզովեց բոլոր աղանդաւոր հերձուածողները ու անոնց ուսուցումները եւ հաստատեց իր հաւատարմութիւնը ուղղափառ դաւանանքին ու անոր ջատագով բոլոր հայրապետներու ուսուցումներուն:

Կիրակի, 15 Նոյեմբեր 2015-ին, Սուրբ եւ Անմահ Պատարագի ընթացքին՝ Տէրունական աղօթքէն անմիջապէս առաջ, ձեռնադրիչ Սրբազանը շարականի երգեցողութեամբ առաջնորդուեցաւ Մայր Եկեղեցւոյ ատեանը: Յաջորդաբար Հայր Վարդանին շնորհեց Վարդապետական Մասնաւոր Իշխանութեան Սուրբ Գրիգոր Տաթեւացիին կողմէ սահմանուած առաջին չորս աստիճանները եւ յանձնեց Վարդապետական գաւազանը:

Read more

Archives