Բաբգէն Արքեպիսկոպոս կատարեց բացումը՝ ՀՕՄ-ի Ամէնօրեայ Վարժարանին

19. September, 2016NewsNo comments

6 Սեպտեմբերի առաւօտեան, Թեմակալ Առաջնորդը ներկայ գտնուեցաւ Թորոնթոյի ՀՕՄ-ի Ամէնօրեայ Վարժարանի վերամուտի բացման հանդիսութեան, որ տեղի ունեցաւ Ս. Աստուածածին Եկեղեցւոյ մէջ։

Նոյն օրը, Տէր եւ Տիկին Վարուժ եւ Սիլվա Լաբոյեանները կատարեցին Մէկ Միլիոն տոլարի իշխանական նուիրատուութիւն մը Ամէնօրեայ դպրոցին։ Այս առթիւ, երկրորդական վարժարանը անուանուեցաւ ՀՕՄ-ի Լաբոյեան Երկրորդական Վարժարան։

Սրբազան Հայրը իր մաղթանքները կատարեց աշակերտութեան, ինչպէս նաեւ Լաբոյեան ամոլին։

 

 

 

Հոգեշնորհ Տ. Յովհաննէս Վրդ. Սաղտըճեան Կը նշանակուի Գէյմպրիճի Հոգեւոր Հովիւ

6. September, 2016NewsNo comments

Հոգեշնորհ Տ. Յովհաննէս Վրդ. Սաղտըճեան Կը նշանակուի Գէյմպրիճի Հոգեւոր Հովիւ

Աւազանի անունով Ճորճ, ծնած է 30 Մարտ 1991ին, Հալէպ: Նախնական կրթութիւնը ստացած է Հալէպի «Սահակեան» Ազգային վարժարանէն ներս:

2003-2004 տարեշրջանին ընդունուած է Մեծի Տանն Կիլիկիոյ կաթողիկոսութեան դպրեվանք եւ 8 տարիներ ուսանելէ ետք, 19 Յունիս 2011ին, Արամ Ա. կաթողիկոսի բարձր տնօրինումով, ձեռնադրուած է կուսակրօն քահանայ:

Կաթողիկոսարանէն ներս ստանձնած է Վեհափառ Հայրապետի գաւազանակիրի պաշտօնը 2011 Յունիսէն 2013 Յուլիս, ինչպէս նաեւ դպրեվանքէն ներս ուսուցչութիւն կատարած է 2011-2013 թուականը:

2013 օգոստոս 1ին մեկնած է Յունաստան եւ աւելի քան երկու տարիներ որպէս Հոգեւոր Հովիւ ծառայած է տեղւոյն Սուրբ Յակոբ Հայց. Առաքելական Եկեղեցւոյ համայնքին։

12 Յուլիսի 2015ին, Վեհափառ Հայրապետի տնօրինումով կ՚արժանանայ  Վարդապետական Աստիճանի։

1 Սեպտեմբեր 2016-ին, Վեհափառ Հայրապետի տնօրինութեամբ կը ժամանէ Գանատա ծառայելու համար որպէս Հոգեւոր Հովիւ Ս. Նշան Հայց. Առաքելական Եկեղեցւոյ համայնքին։

Հրանդ Վարդապետ կը ստանայ Լանջախաչ կրելու իրաւունք

6. September, 2016NewsNo comments

Հոգեշնորհ Տ. Հրանդ Վրդ. Թահանեան
կը ստանայ Լանջախաչ կրելու իրաւունք

10 Յունիս 2016-ին, Ն.Ս.Օ.Տ.Տ. Արամ Ա. Վեհափառ Հայրապետ Սրբատառ Կոնդակով, Լանջախաչ կրելու իրաւունք կը շնորհէ Հոգեշնորհ Տ. Հրանդ Վրդ. Թահանեանին։

Վեհափառ Հայրապետը իր Կոնդակին մէջ կը գրէ. «Ի գնահատութիւն հայ եկեղեցւոյ անդաստանէն ներս որպէս Կիլիկեան Ուխտի Միաբան Ձեր մատուցած ծառայութեան, այսու Հայրապետական Կոնդակաւ Ձեզի կը շնորհենք Վարդապետական Լանջախաչ կրելու իրաւունք։ Կ՚օրհնենք Ձեզ, եւ կ՚աղօթենք Ամենաբարին Աստուած որ իր շնորհաց հեղումով ֆիզիքապէս ու հոգեպէս զօրացնէ Ձեզ, որպէսզի վերանորոգ նուիրումով շարունակէք Ձեր հոգեւոր առաքելութիւնը»։

19 Օգոստոս 2016-ին, Գերաշնորհ Տ. Բաբգէն Սրբ. Արք. Չարեան երբ իր անդրանիկ այցելութիւնը տուաւ Վանգուվըրի համայնքին, նոյն երեկոյեան, Հրաշափառի արարողութեան աւարտին, իր խօսքի աւարտին, Առաջնորդ Սրբազան Հայրը ընթերցեց Վեհափառ Հայրապետի Կոնդակը եւ Հրանդ Վարդապետին պաշտօնապէս փոխանցեց Կոնդակն ու վիզէն անցուց Լանջախաչը։

Archives