Prelate at St. Mary – Epiphany 2017

21. January, 2017NewsNo comments

Բաբգէն Արքեպիսկոպոս
Ս. Ծնունդը դիմաւորեց Թորոնթոյի Համայնքին հետ

Յունուար 5-ին, Գերաշնորհ Տ. Բաբգէն Արք. Չարեան, նախագահեց Ճրագալոյցի պատարագը եւ Յունուար 6-ին, Աստուածայայտնութեան տօնին առիթով Ս. Պատարագ մատուցեց եւ քարոզեց Ս. Աստուածածին Հայց. Առաքելական Եկեղեցւոյ մէջ։

Առաջնորդ Սրբազան Հայրը Ս. Ծննդեան իր պատգամին մէջ ըսաւ. «Ս. Ծննդեան տօնը՝ Աստուածայայտնութեան տօննէ։ Տօնը՝ Աստուծոյ եւ մարդուն հանդիպման։ Տօնը՝ վերականգման եւ վերանորոգման»։

Բաբգէն Արքեպիսկոպոս իր մաղթանքներուն ընդմէջէն յայտնեց՝ «Աստուածորդիին ծնունդը Ս. Կոյսէն, իւրաքանչիւր հայու համար թող ըլլայ ճշմարտութեան եւ յաւերժութեան ճանապարհ»։

Շնորհաբեր Ամանոր եւ Ս. Ծնունդ։

LSARAN 1_ January 20, 2017

20. January, 2017NewsNo comments

Առաջնորդարանի Երիտասարդական Լսարան

Հովանաւորութեամբ Գերաշնորհ Տ. Բաբգէն Արք. Չարեանի եւ կազմակերպութեամբ Քրիստոնէական Դաստիարակութեան Խորհուրդին, Ուրբաթ, 20 Յունուար 2017-ին, սկսաւ Առաջնորդարանի երիտասարդական լսարաններու շարքի առաջին հանդիպումը, ղեկավարութեամբ Հոգեշնորհ Տ. Վարդան Վրդ. Թաշճեանին՝ Վարիչ, Առաջնորդարանի Քրիստոնէական Դաստիարակութեան Խորհուրդին։

Լսարանի առաջին նիւթն էր՝ «Երիտասարդութիւնը, Հայ Եկեղեցին եւ ընկերային կեանքի ամէնօրեայ փոփոխութիւնները», որ ներկայացուց Հայր Վարդան, անդրադառնալով Աստուածաշունչի մասին եւ թէ ինչո՞ւ կարեւոր է կարդալ Աստուծոյ խօսքը ընտանիքներէն ներս, ի՞նչն է որ մեզ ետ կը պահէ եկեղեցի երթալէ, հայ ընկերութեան մէջ ի՞նչպիսի առաւելութիւններ եւ կամ թերութիւններ կը տեսնենք, ո՞րքանով մեզ կը հետաքրքրէ համայնքային հաւաքական կեանքի առողջ կառոյցը, մենք մեր անձերը ո՞ւր կը տեսնենք որպէս քրիստոնեայ երիտասարդներ, ի՞նչ են երիտասարդութեան այժմեան դժուարութիւններն ու հարցերը, ի՞նչ է երիտասարդ, ընտանիք եւ եկեղեցի գաղափարները միացնող կապը, եւ վերջապէս, ի՞նչ ծրագիրներ կարելի է մշակել առաւել թափով երիտասարդնրը ներգրաւելու մեր ազգային եկեղեցական կեանքէն ներս։

Read more

Archives