News-Homepage

Prelacy Annual Conference in Kingston

4. December, 2017News-HomepageNo comments

ՄԻՕՐԵԱՅ ԽՈՐՀՐԴԱԺՈՂՈՎ՝
Հոգաբարձութեանց, Ազգային Երեսփոխաններու եւ Պատգամաւորներու

Շաբաթ, 25 Նոյեմբեր 2017-ին, Հովանաւորութեամբ Գերաշնորհ Տ. Բաբգէն Արք. Չարեանի, Առաջնորդ Գանատայի Հայոց Թեմի, տեղի ունեցաւ Հոգաբարձութեանց, Ազգային Երեսփոխաններու եւ Պատգամաւորներու տարեկան խորհրդաժողովը, Քինկսթընի մէջ։

Առաջնորդ Սրբազան Հօր բացման աղօթքէն ետք, Թեմէն ներս գործող եկեղեցիներու հոգաբարձութիւնները փոխանցեցին իրենց աշխատանքներուն եւ ծրագիրներուն զեկոյցը։

Օրուան գլխաւոր բանախօսն էր՝ Տոքթ. Վարդան Մատթէոսեան, հրաւիրուած ԱՄՆ Արեւելեան շրջանէն։ Տոքթ. Մատթէոսեան ներկայացուց ««Նշումներ մեր ինքնութեան մասին՝ սփիւռքեան ներկայ իրավիճակին մէջ» նիւթը։ Ներկայացումէն ետք ներկաները կատարեցին խմբային աշխատանիստ մը՝ «Գանատահայ համայնքին ապագայ դիմագիծը» հարցադրումներուն մասին։

Յաջորդ օրակարգով, Տիկին Ծովիկ Թերզեան եւ Պրն. Գրիգոր Տէր Ղազարեան ներկայացուցին Թեմէն ներս նախատեսուած նոր ծրագրումներ՝ եկեղեցականներու կենսապայմաններու մասին։ Ապա, Գերապատիւ Տ. Գեղարդ Ծ. Վրդ. Քիւսպէկեան խորհրդածութիւն կատարեց «Ինքնութիւն – Հաւատք – Մարդկային արժէք»-ի մասին։

Խորհրդաժողովը հասաւ իր աւարտին, Առաջնորդ Սրբազան Հօր փակման խօսքով եւ աղօթքով։

Prelate and Executive Council in Toronto

14. August, 2017HOMEPAGE-SLIDER, News-HomepageNo comments

Բաբգէն Արքեպիսկոպոս Թորոնթոյի Մէջ
Ս. Աստուածածանայ Վերափոխաման Տօնին առիթով

Շաբաթ, 12 Օգոստոս 2017-ին, Բաբգէն Արքեպիսկոպոս ընկերակցութեամբ Ազգային Վարչութեան անդամներուն այցելեց Թորոնթոյի Ս. Աստուածածին եկեղեցի։

Նոյն երեկոյեան, Առաջնորդ Սրբազան Հայրը կատարեց ձեռնադրութիւններ՝ Դպրաց եւ Կիսա-սարկաւագներու յընթացս Վերափոխման տօնին առիթով տեղի ունեցող ժամերգութեանց։

Կիրակի առաւօտ, Թեմակալ Առաջնորդը պատարագ մատուցեց եւ յաւուր պատշաճի քարոզեց։ Պատարագի աւարտին, տեղի ունեցաւ մատաղօրհնէք եւ խաղողօրհնէք։

Նոյն շաբաթավերջի ընթացքին, Ազգային Վարչութիւնը գումարեց իր լիագումար ժողովը եւ հանդիպում ունեցաւ Ս. Աստուածածին եկեղեցւիյ Հոգեւոր Հովիւին եւ օգնականին ու եկեղեցւոյ Հոգաբարձութեան անդամներուն հետ։

Read more

99th anniversary of the first Republic of Armenia

6. June, 2017HOMEPAGE-SLIDER, News, News-HomepageNo comments

Archbishop Papken announced that all Prelacy parishes around Canada will offer prayers of thanksgiving for the Republic of Armenia and bless the Armenian Tri-color flag on the occasion of the 99th anniversary of the first Republic (May 28, 1918) on Sunday, May 28, 2017.
Traditionally we always remember the victories erected by our heroes and with great solemnity celebrate the independence of the First Armenian Republic on May 28.
Requiem services will be offered for the souls of the fallen heroes of Sardarabad, Bashabaran, Gharakilise.
In spite of the short life of only 2.5 years of the First Republic of Armenia, the declaration of independence was turning point in the political, religious and cultural life of Armenia as the parliament was elected, the government was formed and the Armenian Tri-color was adopted as the national flag of the state.
His Eminence will preside over Divine Liturgy at St. Hagop Armenian Church in Montreal and the ceremony following church services at the Montreal Armenian Community Centre.

O Benevolent God, preserve from misfortune the peace that you have given us, save from evil the freedom that you have granted us, and direct all of our lives towards good works. Remember in your mercy the souls of our many martyrs, who have placed themselves on the altar of our nation’s liberation, and make them worthy of the luminous, immortal and heavenly crown. Have mercy on all those who have worked and labored for the liberation of our nation and the building of our fatherland. Preserve the Republic of Armenia and aid all of our ministers and generals, troops and soldiers, by keeping them in peace. O Lord our God, preserve in peace the Catholicoi of our nation and all of the clergy of your Holy Church.

From
“Prayer of Thanksgiving for the Republic of Armenia,”
Prepared in 1920
By Archbishop Torkom Koushagian 

The Canadian Armenian National Representatives Assembly in Vancouver

26. May, 2017HOMEPAGE-SLIDER, News, News-HomepageNo comments

ՀԱՂՈՐԴԱԳՐՈՒԹԻՒՆ

Գանատայի Հայոց Թեմի Ազգային Երեսփոխանական 59/16-րդ ժողովը տեղի ունենցաւ 12-13 Մայիս 2017-ի շաբաթավերջին, Ս. Գրիգոր Լուսաւորիչ Հայց. Առաքելական Եկեղեցւոյ Հոգեւոր Հովիւին եւ Հոգաբարձութեան հիւրընկալութեամբ, Վանգուվըր, Պրիթիշ Գոլոմպիայի մէջ։

Ժողովը իր երախտագիտութիւնը յայտնեց Ն.Ս.Օ.Տ.Տ. Արամ Ա. Մեծի Տանն Կիլիկիոյ Կաթողիկոսին եւ վերահաստատեց իր անվերապահ կապուածութիւնը Կիլիկիոյ Սուրբ Աթոռին ու անոր առաքելութեան։

Ժողովը պաշտօնական նամակ յղեց Գանատայի Վարչապետ Նորին Վսեմութիւն Ճասթըն Թրուտոյին, ուր շնորհաւորեց Գանատայի 150-ամեակը, շնորհակալութիւն յայտնեց Սուրիոյ հայութեան ի նպաստ Գանատայի գաղթականական քաղաքականութեան համար եւ Հայաստանի ու Արցախի ի նպաստ աջակցութեան եւ ապահովութեան հարցով։

Գանատայի Ազգային 59/16-րդ Ազգային Երեսփոխանական Ժողովը, հանգամանօրէն անդրադարձաւ Թեմիս եկեղեցիներուն ազգային եւ եկեղեցական բազմակողմանի հարցերուն եւ գլխաւորաբար իր ուշադրութիւնը կեդրոնացուց, քրիստոնէական եւ հայեցի դաստիարակութեան, Գանատայի 150-ամեակի տօնակատարութիւններուն, Մոնթրէալ քաղաքի 375-ամեակին, Թեմիս յառաջիկայ 10-ամեայ տեսլականին, Հիւսիսային Ամերիկայի երեք Թեմերու համագործակցութեան, հիմնուած յատկապէս՝ վերջին տարիներու հայութեան թուաճի տեսակէտէն։

Ժողովի աւարտին տեղի ունեցաւ ընտրութիւն։ 2017-2018 տարեշրջանի Կրօնական Ժողովի կազմի անդամներն են.-
Տ. Վարդան Վրդ. Թաշճեան, ատենապետ
Տ. Գաբրիէլ Քհնյ. Գամայեան, ատենադպիր
Տ. Գառնիկ Աւ. Քհնյ. Գոյունեան, խորհրդական

Ազգային Վարչութեան կազմի անդամներն են.-
Տիկին Ծովիկ Թերզեան, ատենապետ (Լաւալ)
Պրն. Յակոբ Պուլկարեան, ատենադպիր (Մոնթրէալ)
Պրն. Վարդավառ Փանոսեան, գանձապահ (Լաւալ)
Պրն. Յակոբ Ճանպազեան, փոխ ատենապետ (Թորոնթօ)
Պրն. Մայք Թիթիզեան, խորհրդական (Գէմպրիճ)
Տիկին Սեդա Մալխասեան, խորհրդական (Մոնթրէալ)
Տիկին Օսիկ Մխսիարթինեան, խորհրդական (Թորոնթօ)
Պրն. Լեւոն Պէնկեան, խորհրդական (Մոնթրէալ)
Յակոբ Տէր Յակոբեան, խորհրդական (Վանգուվըր)

Ի դիմաց ՝
Գանատայի Հայոց Թեմի
Ազգային Երեսփոխանական Ժողովին
Վանգուվըր, Պրիթիշ Գոլոմպիա
13 Մայիս 2017

 

 

«Հորիզոն» կը հրատարակէ կրօնական յաւելուած

5. December, 2016News, News-HomepageNo comments

«Հորիզոն»ի Դեկտեմբերի առաջին թիւով լոյս տեսաւ Գանատայի Հայոց Թեմի Քրիստոնէութեան դաստիարակութեան խորհուրդի կրօնական նիւթեր պարփակող «Լուսաւորիչ եկեղեցին տան մէջ» յաւելուածը, որ յետ այսու պիտի հրատարակուի ամսական դրութեամբ։

Յաւելուածին մէջ Առաջնորդ Սրբազան Բաբգէն Արք. Չարեան անդրադառնալով «Լուսաւորիչ»ի առաքելութեան կ՚ըսէ.  «Այս կրօնական ամսաթերթը իր իւրայատուկ դիմագիծով պիտի շօշափէ այլազան կրօնական նիւթեր, հիմնական նպատակ ունենալով ընթերցող հասարակութիւնը եւ մասնաւորաբար մեր երիտասարդութիւնը հաղորդ պահել մեր հոգեւոր ժառանգութիւններուն, անոնց մտքի հորիզոնին առջեւ բանալով սուրբ գրային, եկեղեցագիտական, կրօնական եւ ազգային հոգեւոր արժէքներ»։

 Նշենք, որ «Հորիզոն» տասնամեակներէ ի վեր կը հրատարակէ գրական եւ մանկապատանեկան իր յաւելուածները։

 «Լուսաւորիչ»ի թիւը կարդալ այս յղումով

Archibishop Papken Tcharian Prelate

26. May, 2016HOMEPAGE-SLIDER, News, News-HomepageNo comments

ՀԱՂՈՐԴԱԳՐՈՒԹԻՒՆ

 

Գանատայի Հայոց Թեմի Ազգային Երեսփոխանական 58/15-րդ ժողովը տեղի ունենցաւ 13-14 Մայիս 2016-ի շաբաթավերջին, Ս. Գէորգ Հայ Առաքելական Եկեղեցւոյ Հոգեւոր Հովիւին եւ Հոգաբարձութեան հիւրընկալութեամբ, Լաւալ, Քէպէգի մէջ։

Ժողովը իր երախտագիտութիւնը յայտնեց Ն.Ս.Օ.Տ.Տ. Արամ Ա. Վեհափառ Հայրապետին՝ Կաթողիկոս Մեծի Տանն Կիլիկիոյ Սուրբ Աթոռին, եւ կրկին շնորհաւորեց Նորին Սրբութիւնը, իր խիզախ եւ աննախընթաց պահանջատիրութեան՝ Սիսի Կաթողիկոսարանի կալուածները իրենց իրաւատէրերուն վերադարձնելու նախաձեռնութեան համար, ինչպէս նաեւ Արցախեան պահանջատիրութեան ու անոր գոյատեւման ի խնդիր իր ցուցմունքներն ու ղեկավար հոգեւորականի օրինակելի այցելութեան համար, որ քաջալեր հանդիսացաւ Հայ Բանակին։

Ժողովը իր պաշտօնական նամակը յղեց Գանատայի Վարչապետ Նորին Վսեմութիւն Ճասթըն Թրուտոյին, ուր շնորհաւորեց անոր ընտրութիւնը որպէս Գանատայի Վարչապետ։ Շնորհակալութիւն յայտնեց Սուրիայէն ժամանած ներգաղթողներուն նկատմամբ իր ցուցաբերած յատուկ վերաբերմունքին համար, ինչպէս նաեւ անդրադարձաւ Արցախի վերջին անցուդարձերուն մասին եւ վերջապէս շնորհակալութիւն յայտնեց Հայոց Ցեղասպանութեան նկատմամբ իր շարունակական նեցուկին համար։ Նոյնանման պարունակութեամբ, ժողովս նամակով մը իր երախտագիտութիւնը եւս յայտնեց Քէպէգի Վարչապետ՝ Ֆիլիփ Քույաղին։

Գանատայի Ազգային 58/15-րդ Երեսփոխանական ժողովը, հանգամանօրէն անդրադարձաւ Թեմիս եկեղեցիներուն ազգային եւ եկեղեցական բազմակողմանի հարցերուն եւ գլխաւորաբար իր ուշադրութիւնը կեդրոնացուց՝ քրիստոնէական եւ հայեցի դաստիարակութեան, ազգային պահանջատիրութեան եւ մանաւանդ Գանատա ժամանող Սուրիոյ հայութեան մեր հարազատներու ամէնօրեայ օժանդակութեան գծով:

Ժողովը իր երախտագիտութիւնը յայտնեց Գերաշնորհ Տ. Սուրէն Սրբ. Արք. Գաթարոյեանին՝ Հայրապետական Ներկայացուցիչին, որ վերջին ամիսներուն դարձաւ պահապանը Գանատայի Հայոց Թեմին։

Այս առիթով, Ազգային Երեսփոխանական Ժողովս անգամ մը եւս վերահաստատեց իր անվերապահ պատկանելիութիւնը Մեծի Տանն Կիլիկիոյ Սուրբ Աթոռին ու անոր առաքելութեան։

Ժողովի աւարտին տեղի ունեցաւ Ազգային Վարչութեան Կրօնական ու Քաղաքական Ժողովներու ընտրութիւն, Ազգային Պատգամաւորներու ընտրութիւն, ինչպէս նաեւ Թեմակալ Առաջնորդի ընտրութիւն։

Ի դիմաց Գանատայի Հայոց Թեմի Ազգային Երեսփոխանական Ժողովին՝

ԴԻՒԱՆ
Գանատայի Հայոց Թեմի
Ազգային Երեսփոխանական Ժողովի
Լաւալ, Քէպէգ
14 Մայիս 2016

Archives