News-Homepage

«Հորիզոն» կը հրատարակէ կրօնական յաւելուած

5. December, 2016News, News-HomepageNo comments

«Հորիզոն»ի Դեկտեմբերի առաջին թիւով լոյս տեսաւ Գանատայի Հայոց Թեմի Քրիստոնէութեան դաստիարակութեան խորհուրդի կրօնական նիւթեր պարփակող «Լուսաւորիչ եկեղեցին տան մէջ» յաւելուածը, որ յետ այսու պիտի հրատարակուի ամսական դրութեամբ։

Յաւելուածին մէջ Առաջնորդ Սրբազան Բաբգէն Արք. Չարեան անդրադառնալով «Լուսաւորիչ»ի առաքելութեան կ՚ըսէ.  «Այս կրօնական ամսաթերթը իր իւրայատուկ դիմագիծով պիտի շօշափէ այլազան կրօնական նիւթեր, հիմնական նպատակ ունենալով ընթերցող հասարակութիւնը եւ մասնաւորաբար մեր երիտասարդութիւնը հաղորդ պահել մեր հոգեւոր ժառանգութիւններուն, անոնց մտքի հորիզոնին առջեւ բանալով սուրբ գրային, եկեղեցագիտական, կրօնական եւ ազգային հոգեւոր արժէքներ»։

 Նշենք, որ «Հորիզոն» տասնամեակներէ ի վեր կը հրատարակէ գրական եւ մանկապատանեկան իր յաւելուածները։

 «Լուսաւորիչ»ի թիւը կարդալ այս յղումով

Prelate Tcharian at Sourp Kevork Church

21. June, 2016News, News-HomepageNo comments

ԲԱԲԳԷՆ ԱՐՔԵՊԻՍԿՈՊՈՍ՝
Այցելեց «Արամ եւ Պերճուհի Մարգարեան» Մանկամսուր
Ուրբաթ, 17 Յունիս 2016-ին, Առաջնորդ Սրբազան Հայրը այցելեց Մոնթրէալի «Արամ եւ Պերճուհի Մարգարեան» Մանկամսուրը, ուր տնօրէնուհի տիկին Լիզա Մազլումեան ընդունեցաւ Թեմակալ Առաջնորդը եւ ծանոթացուց ուսուցչական կազմին եւ թանկագին մանուկներուն։

On June 19, 2016, His Eminence Archbishop Papken Tcharian delivered his first Divine Liturgy and sermon at Sourp Kevork Armenian Apostolic Church of Laval.
Archbishop Papken will depart to Cambridge on Wednesday, June 22, 2016.

PRELACY Youth Gathering

13. June, 2016News, News-HomepageNo comments

Ազգային Առաջնորդարանի
Քրիստոնէական եւ Հայեցի
Դաստիարակութեան Խորհուրդներու
Տարեկան Երիտասարդական Համագումար

Հովանաւորութեամբ Տ. Սուրէն Սրբ. Արք. Գաթարոյեանին՝ Հայրապետական Ներկայացուցիչ Գանատայի Հայոց Թեմի եւ կազմակերպութեամբ Գանատայի Հայոց Թեմի Ազգային Առաջնորդարանի Քրիստոնէական եւ Հայեցի  Դաստիարակութեան Խորհուրդներուն, տեղի ունեցաւ տարեկան Երիտասարդական Համախմբումը Յունիս 3-5 շաբաթավերջին, Kinkora Camp-ի մէջ աւելի քան 50 երիտասարդներու մասնակցութեամբ, որոնք ժամանած էին Մոնթրէալէն, Լաւալէն, Թորոնթոյէն եւ Քէմպրիճէն։

Այս տարուան համագումարի գլխաւոր թեման «Ծառայութեան Տարի»ն էր, որուն շուրջ ներկայացուեցան բազմաթիւ դասախօսութիւններ եւ բանավէճեր, առիթ ընծայելով երիտասարդին անձնական կամ ընկերային հարցեր ուղղելու, գաղափարներ արտայայտելու եւ զրուցելու ներկաներուն հետ։

Առաջին օրը Արժանապատիւ Տ. Գաբրիէլ Քհնյ. Գամայեան, ներկայացուց «Եկեղեցւոյ ծառայական կարգերը» բացատրելով Հայաստանեաց Առաքելական եկեղեցւոյ աստիճանաւորումներն ու պայմանները, սկսելով դպիրէն մինչեւ Կաթողիկոս կարգերն ու աստիճանները։ Դասախօսութեան ընթացքին ան ցոյց տուաւ նաեւ քահանային պատարագի  զանազան զգեստները։

Երկրորդ դասախօսն էր պրն. Մոսիկ Թոփուզեան, որ ներկայացուց «Սէրը՝ պայման ծառայութեան մէջ» նիւթը, ի մտի ունենալով սիրոյ եւ ծառայութեան տեղը մեր առօրեայ անձնական, ազգային, գաղութային եւ քրիստոնէական կեանքին մէջ։ Դասախօսութեան շարքը շարունակուեցաւ պրն. Գրիգոր Դերձակեանի ներկայացումով՝ «Վիժում, անձնասպանութիւն եւ euthanasia» նիւթով, որ ի յայտ բերաւ ընկերային, բժշկական եւ քրիստոնէական դիտանկիւնները։ Յետմիջօրէին տեղի ունեցան զանազան խաղեր, մարզական մրցումներ, ինչպէս նաեւ նաւաւարութիւն։

Երեկոյեան, բանավէճ տեղի ունեցաւ «Պատերա՞զմ թէ խաղաղութիւն» նիւթին շուրջ, հարց տալով «Զէնք վերցնե՞լ թէ ոչ», դէմ եւ թեր կեցուածքներ ներկայացուցին Վիգէն Գրիգորեան եւ Նորա Զոպոյեան, եզրափակելով՝ թէ Խաչն ու զէնքը անբաժան եղած են մեր ներկայ ու անցեալի պատմութեան մէջ։

Շաբաթ գիշերուան ընկերային զուարթ պահը առաւել խանդավարուեցաւ DJ Վազգէնի ընկերակցութեամբ։

Կիրակի առաւօտ տեղի ունեցաւ Ժամերգութիւն եւ քարոզ, խօսուած՝ Յարութիւն Սրկ. Կիւլոյեանի կողմէ, Եկեղեցւոյ կառոյցին մասին, երիտասարդներուն բացատրելով Հայաստանեայց Առաքելական Եկեղեցւոյ ճարտարապետութեան իւրայատկութիւնն ու իմաստը։ Ապա, Մհեր Քիւփէլեան ներկայացուց իր անձնական վկայութիւնն ու փորձառութիւնը՝ «Հանդիպում Քրիստոնեայ Քիւրտերու եւ Թուրքերու հետ» նիւթին մասին, երիտասարդները փոխադրելով Իզմիրէն դէպի Վան, պատմելով իր ունեցած հանդիպումներուն մասին, իրենց ինքնութիւնը փնտռող հայերու, նորադարձ քրիստոնեայ թուրքերու եւ քիւրտերու հետ։

Համագումարը աւարտեցաւ երիտասարդներուն փոխանձելով ու ամրապնդելով Հայ Քրիստոնէական արժէքներ, ընկերային եւ խանդավառ մթնոլորտ մը ստեղծելով իրենց մօտ։ Քրիստոնէական եւ Հայեցի Դաստիարակութեան Խորհուրդներուն յառաջիկայ  ծրագիրներուն մասին կրնաք հետեւիլ Facebook-ի «AREC (Armenian Religious Education Council)» էջին վրայ։

Նորա Զոպոյեան

Archibishop Papken Tcharian Prelate

26. May, 2016News, News-HomepageNo comments

ՀԱՂՈՐԴԱԳՐՈՒԹԻՒՆ

 

Գանատայի Հայոց Թեմի Ազգային Երեսփոխանական 58/15-րդ ժողովը տեղի ունենցաւ 13-14 Մայիս 2016-ի շաբաթավերջին, Ս. Գէորգ Հայ Առաքելական Եկեղեցւոյ Հոգեւոր Հովիւին եւ Հոգաբարձութեան հիւրընկալութեամբ, Լաւալ, Քէպէգի մէջ։

Ժողովը իր երախտագիտութիւնը յայտնեց Ն.Ս.Օ.Տ.Տ. Արամ Ա. Վեհափառ Հայրապետին՝ Կաթողիկոս Մեծի Տանն Կիլիկիոյ Սուրբ Աթոռին, եւ կրկին շնորհաւորեց Նորին Սրբութիւնը, իր խիզախ եւ աննախընթաց պահանջատիրութեան՝ Սիսի Կաթողիկոսարանի կալուածները իրենց իրաւատէրերուն վերադարձնելու նախաձեռնութեան համար, ինչպէս նաեւ Արցախեան պահանջատիրութեան ու անոր գոյատեւման ի խնդիր իր ցուցմունքներն ու ղեկավար հոգեւորականի օրինակելի այցելութեան համար, որ քաջալեր հանդիսացաւ Հայ Բանակին։

Ժողովը իր պաշտօնական նամակը յղեց Գանատայի Վարչապետ Նորին Վսեմութիւն Ճասթըն Թրուտոյին, ուր շնորհաւորեց անոր ընտրութիւնը որպէս Գանատայի Վարչապետ։ Շնորհակալութիւն յայտնեց Սուրիայէն ժամանած ներգաղթողներուն նկատմամբ իր ցուցաբերած յատուկ վերաբերմունքին համար, ինչպէս նաեւ անդրադարձաւ Արցախի վերջին անցուդարձերուն մասին եւ վերջապէս շնորհակալութիւն յայտնեց Հայոց Ցեղասպանութեան նկատմամբ իր շարունակական նեցուկին համար։ Նոյնանման պարունակութեամբ, ժողովս նամակով մը իր երախտագիտութիւնը եւս յայտնեց Քէպէգի Վարչապետ՝ Ֆիլիփ Քույաղին։

Գանատայի Ազգային 58/15-րդ Երեսփոխանական ժողովը, հանգամանօրէն անդրադարձաւ Թեմիս եկեղեցիներուն ազգային եւ եկեղեցական բազմակողմանի հարցերուն եւ գլխաւորաբար իր ուշադրութիւնը կեդրոնացուց՝ քրիստոնէական եւ հայեցի դաստիարակութեան, ազգային պահանջատիրութեան եւ մանաւանդ Գանատա ժամանող Սուրիոյ հայութեան մեր հարազատներու ամէնօրեայ օժանդակութեան գծով:

Ժողովը իր երախտագիտութիւնը յայտնեց Գերաշնորհ Տ. Սուրէն Սրբ. Արք. Գաթարոյեանին՝ Հայրապետական Ներկայացուցիչին, որ վերջին ամիսներուն դարձաւ պահապանը Գանատայի Հայոց Թեմին։

Այս առիթով, Ազգային Երեսփոխանական Ժողովս անգամ մը եւս վերահաստատեց իր անվերապահ պատկանելիութիւնը Մեծի Տանն Կիլիկիոյ Սուրբ Աթոռին ու անոր առաքելութեան։

Ժողովի աւարտին տեղի ունեցաւ Ազգային Վարչութեան Կրօնական ու Քաղաքական Ժողովներու ընտրութիւն, Ազգային Պատգամաւորներու ընտրութիւն, ինչպէս նաեւ Թեմակալ Առաջնորդի ընտրութիւն։

Ի դիմաց Գանատայի Հայոց Թեմի Ազգային Երեսփոխանական Ժողովին՝

ԴԻՒԱՆ
Գանատայի Հայոց Թեմի
Ազգային Երեսփոխանական Ժողովի
Լաւալ, Քէպէգ
14 Մայիս 2016

CANAR 2016 PR

16. May, 2016News, News-HomepageNo comments

Գանատայի Հայոց Թեմի
Ազգային Երեսփոխանական 58/15րդ Ժողովը
Աւարտեց իր Աշխատանքները

 

Գանատայի Հայոց Թեմի Ազգային Երեսփոխանական Ժողովը տեղի ունեցաւ Լաւալի մէջ, 13-14 Մայիս 2016-ի շաբաթավերջին, հիւրընկալութեամբ Ս. Գէորգ Հայ Առաքելական Եկեղեցւոյ Հոգեւոր Հովիւին եւ Հոգաբարձութեան:

Ժողովին իրենց մասնակցութիւնը բերին Գանատայի տարածքին գործող Հոգեւորականները, եկեղեցիներու Ազգային Երեսփոխանները, Ազգային Պատգամաւորները, Հոգաբարձական կազմերը եւ գործակից կազմակերպու-թեանց ներկայացուցիչներն ու Կիլիկեան Սուրբ Աթոռի եւ Առաջնորդարանի շքանշանակիրներն ու հիւրերը։ Ժողովին ներկայ էր նաեւ Թեմիս Անդրանիկ Առաջնորդ՝ Գերշ. Տ. Խաժակ Սրբ. Արք. Յակոբեան։

Ազգային Երեսփոխանական Ժողովի պաշտօնական բացումը կատարուեցաւ Թեմիս Հայրապետական Ներկայացուցիչ Գերշ. Տ. Սուրէն Ս. Արք. Գաթարոյեանի աղօթքով, որմէ ետք յաջորդաբար բարի գալուստի եւ ողջոյնի խօսքեր փոխանցեցին հիւրընկալ եկեղեցւոյ Հոգեւոր Հովիւը եւ Ազգային Վարչութեան ատենապետը։ Դիւանի ատենապետ ընտրուեցաւ պրն. Յարութիւն Շիթիլեան իսկ քարտուղար՝ Տ. Հրանդ Վրդ. Թահանեան:

Ժողովի աւարտին տեղի ունեցան Ազգային Վարչութեան, Ազգային Պատգամաւորներու եւ Առաջնորդի ընտրութիւնները:

2016-2017 տարեշրջանի Ազգային Վարչութեան Կրօնական ու Ազգային Վարչութեան Ժողովներու անդամներն են.-

ԿՐՕՆԱԿԱՆ ԺՈՂՈՎ
Տ. Վարդան Վրդ. Թաշճեան, ատենապետ
Տ. Գաբրիէլ Քհնյ. Գամայեան, ատենադպիր
Տ. Գառնիկ Աւ. Քհնյ. Գոյունեան

ԱԶԳԱՅԻՆ ՎԱՐՉՈՒԹԻՒՆ
Պրն. Գրիգոր Տէր Ղազարեան, ատենապետ
Պրն. Յակոբ Պուլկարեան, ատենադպիր
Պրն. Վարդավառ Փանոսեան, գանձապահ
Պրն. Յարութ Գասապեան, փոխ-ատենապետ
Տիկին Ծովիկ Թերզեան
Պրն. Մայք Թիթիզեան
Պրն. Մայք Թիթիզեան
Տիկին Օսիկ Մխսիարթինեան
Պրն. Լեւոն Պէնկեան
Օրդ. Ժիւլիէթ Սարգիսեան

2016-2020 տարեշրջանի Ազգային Պատգամաւորներ ընտրուեցան՝ Պրն. Յարութ Գասապեան, Բժիշկ Վաղարշ Էհրամճեան, Պրն. Աբգար Միրաքեան, Տիկին Օսիկ Մխսիարթինեան, Տիկին Աննա Պուլկարեան, Պրն. Յակոբ Տէր Խաչատուրեան, Պրն. Գրիգոր Տէր Ղազարեան, Պրն. Ռաֆֆի Տօնապետեան, Պրն. Կարօ Փոսթաճեան եւ Տիկին Անի Օհանեան։ Փոխ-անդամներ՝ Վահէ Յակոբեան եւ Արթօ Գապասագալեան։

Գանատայի Հայոց Թեմի 2016-2020 տարեշրջանին համար Թեմական Առաջնորդ ընտրուեցաւ Գերաշնորհ Տ. Բաբգէն Սրբ. Արքեպիսկոպոս Չարեան:

ԴԻՒԱՆ
ԱԶԳԱՅԻՆ ԱՌԱՋՆՈՐԴԱՐԱՆԻ
ԳԱՆՏԱՅԻ ՀԱՅՈՑ ԹԵՄԻ

Prelacy Annual
Canadian Armenian National Assembly Representative
Meeting Concluded

The Canadian Armenian National Assembly Representative (CANAR) meeting including clergy and lay delegates representing parishes of the Prelacy of Canada began deliberating Friday, May 13, 2016 around noon. Hosting the Assembly was St. Kevork Armenian Church of Laval and the meetings took place at the local Armenian Community Centre.

The Assembly officially opened with a prayer by His Eminence Archbishop Souren Kataroyan, Catholicosal Representative in Canada. The first session included reports from the credential committee, election of nominating committee, election of the Assembly’s chair and secretary, and welcoming remarks by Rev. Fr. Kapriel Kamayan, pastor of the host parish and Mr. Krikor Der Ghazarian, chairperson of the Prelacy Executive Council. A special message to the CANAR from His Holiness Aram I, Catholicos of the Holy See of Cilicia was read by Very rev. Fr. Keghart Kosbakian.

Meeting attendants included CANAR delegates, Armenian Prelacy of Canada Executive and Religious Council members, as well as members from Prelacy Church Boards, “Cilicia Princes and Knights,” recipients of Mesrob Mashdots medals, community benefactors, as well as representatives of sister organizations from across Canada, including, Montreal, Laval, Toronto, Ste Catharines, Cambridge and Vancouver.

The CANAR is the highest ecclesiastical and administrative body of the Prelacy. It is composed of a ratio of one-seventh clergy and six-sevenths lay delegates. The clergy delegates are elected by the Clergy Conference and the lay delegates by the membership of their respective parishes.

In addition to discussions of questions of faith, the Assembly is empowered to address issues of interest, be it on the financial, organizational or cultural levels as well as policies that encourage the integration of our communities in this great Canadian family while respecting our cultural and religious roots and principles.

The Canadian Armenian National Assembly Representatives (CANAR) issued a letter to His Holiness Aram I, the Right Honourable Justin Trudeau, and Quebec’s Premiere Philippe Couillard.

As it is customary, elections were held at the end of the meeting, and the members for the 2016-2017 Religious Councils of the Armenian Prelacy of Canada are: Very Rev. Fr. Vartan Tashjian (chairperson), Rev. Fr. Kapriel Kamayan (secretary) and Archpriest Karnig Koyounian.

Executive Council Members are: Krikor Der Ghazarian (chairperson), Hagop Boulgarian (secretary), Vartavar Panossian (treasurer), Harout Kassabian (vice-chairperson), Levon Bengian, Osig Mksyartinian, Mike Titizian, Zovig Terzian and Juliette Sarkissian

Special elections of World Assembly Delegates were held for 2016-2020 term. The delegates are: Mrs. Anna Boulgarian, Mr. Harout Kassabian, Mr. Krikor Der Ghazarian, Mr. Hagop Der Khatchadourian, Mr. Raffi Donabedian, Dr. Vagharch Ehramdjian, Mr. Apkar Mirakian, Mrs. Osig Mksyartinian, Mrs. Ani Ohanian and Mr. Garo Postajian. Vice-members are Vahe Hagopian and Arto Kabassakalian.

The Assembly elected His Eminence Archbishop Papken Tcharian as the new Prelate of Canada.

Archives